Mithumo 27:42 - Bhiblia Yo Sawuleka

⁴² Sekoko masotxhwa ma to pimisa kudaya sibotxhwa, ma txi kha ona: Simwani si nga thava ngu kusambela.

Mithumo 27:42 Referans Kwoze

Mithumo 12:19

Herodha a di rumete ku mu lava, va to mu pwata. Se a di rumete kuthethisa masotxhwa a kuwoneleta, a to leleta kumana dawe. Se Herodha a to khukha Judheya e kwitima Khezareya eya zumba kona.

Ekleziyaste 9:3

Awuwa mbubihi wu wu ku hagari ka totshe ti ti mahwako hahatshi ka ditambo: I ku tito, ka votshe, kuhumelela to fana; ni ti to, timbilu ta vanana va vathu ti tate ngu wubihi; wupumbu wu mu ka timbilu tawe, amu kuhanyani kwawe, ngu magwito vaya kufani.

Mavingu 12:10

M'thu wo lulama a khatalela wutomi wa sifuyo sakwe, aniko wumbilu wa vaonhi mbudayi.

Masalmo 74:20

Alakanya txitumelelano txako, nguko ditiko kheno ni kheno di tate ngu makhalo a wugevenga.

Mithumo 27:24

yi txi kha yona: ‘U nga thave, Paulo! U fanete kuhoka masoni ka Khezari; wona, Txizimu txi vekile manzani kwako wutomi wa votshe va u endako navo mu txitimelani.’

Mithumo 27:41

Se ngako txitimela yi di khimile ha mafuni, hagari ka tidhonga timbidi, yi to khwekela. Khana ya txitimela, ngu kukhwekela ngu mtamo, yi to ñolwa yi si dekadeki; se mmidi wa txitimela wu txi funyekela ngu mtamo wa mavimbi.

2 Vakorinto 11:26

Ni mahile mapfhumba o tala. Ni manwi ngu tiphango ta tingi ta minambo, ni tiphango ta sigevenga, tiphango ta kumahwa ngu va ka kwathu, ni tiphango ta kuta ngu ka vamatiko, tiphango ta didhoropani, tiphango ta txiwulani, tiphango ta lineneni, tiphango ta kuvangwa ngu vanathu va makuhu.