Mithumo 27:41 - Bhiblia Yo Sawuleka

⁴¹ Se ngako txitimela yi di khimile ha mafuni, hagari ka tidhonga timbidi, yi to khwekela. Khana ya txitimela, ngu kukhwekela ngu mtamo, yi to ñolwa yi si dekadeki; se mmidi wa txitimela wu txi funyekela ngu mtamo wa mavimbi.

Mithumo 27:41 Referans Kwoze

Ezekhiyele 27:26

Vatsimbitisi vako va ku tsulisile ka mati a hombe; moya wa wutxani wu ku hetile mtamo hagari ka tinene.

Mithumo 27:17

Msana ka kuva hi di txi hayekile txitimwi, hi to lava tinszila, hi sungelela txitimela ngu majoke; se ngu kuthava kuya khima ha mafuni ka Siriti, hi to phutela matanga, hi ya masoni ngu kulondeta moya.

Ezekhiyele 27:34

Ka mbimo yile u nga phatulelwa tineneni, hahatshi ngutu ka mati, ma wite mabhindu ako ni msengeletano wotshe hagari kwako.

2 Makronika 20:37

Kambe Eliyezeri, mwana Dhodhavha, wa Mereza, a to profeta e wukela Josafati, a txi khene: A ku u nga ti tshanganisa ni Akaziya, Mkoma a na onhetela tingalava ti u nga ti aka. Se tingalava ti to funyekela, ti tandeka kuya Tarxixi.

1 Vafumeli 22:48

Sekoko ku ti si nga ni mfumeli ditikoni ka Edhomi, aniko ku ti kova ni m'vhuneteli.

Mithumo 27:30

Kambe vatxungeli va ti lava kuthava; ngu toneto va to txhikisa txingalavana, va txi nga vo lava kugwimba tingoti ta tihangi ta masoni ka txitimela.

Mithumo 27:40

Va to thukunyula tihangi ve ti leka matini, ve thukunyula kambe ni tingoti ta mphesu wa txitimela. Msana keto, va to gwimba ditanga da hombe, ve tsimbitiswa ngu diphuho kala ligungusani.

Mithumo 27:42

Sekoko masotxhwa ma to pimisa kudaya sibotxhwa, ma txi kha ona: Simwani si nga thava ngu kusambela.

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.