Mithumo 27:4 - Bhiblia Yo Sawuleka

⁴ Ku ti ngako hi txi khukha haleya, hi to tsimbila ngu ligungusa la Kipra, nguko txitimela txi ti lambelwa ngu diphuho.

Mithumo 27:4 Referans Kwoze

Mithumo 4:36

Sekoko Josefa, awu vapostoli va nga txi m'dhana ku i Bharnabhasi, ti ti wombako ku mwanana wu i ku Mthaveleli, Mulevhi wa kuvelekelwa Kipra,

Mithumo 27:7

Kambe ngako hi nga ti tsimbila ngu kudotho-kudotho, masiku o tala, hi to hoka ngu kukarateka hafuhi ni Kinidha; se ngako diphuho di nga ti hi lambela, hi to vayilela Kreta ngu didhawa da Salmona.

Mithumo 21:16

Va hi heleketile vagondiswa vokari va Khezareya, va txi hi yisa m'tini ka mthuyo a dhanwako ku i Menasoni, wa Kipra, mmweyo wa vagondiswa vo thanga, ahawa hi nga ti fanela kuamukelwa hi zumba kona.

Mithumo 21:3

Ngako hi di hokile ahawa ku wonekako Kipra, hi to txi pinda txitondolo txiya ngu didhawa ka txibhabha, hi tsula Siriya, hi txi ya hoka Tiro, nguko eyo ku ti ni siya si nga ti fanela kurulwa ngu txitimela.

Mithumo 15:39

Konaho ku to humelela dizunga hagari kwawe, veza ve hambana. Bharnabhasi a to teka Marku e tsula nayo Kipra ngu txitimela.

Mithumo 13:4

Vona ngako va di rumilwe ngu Moya wo Sawuleka, va to kwitima veya Selewukiya, se ngu koneyo va ti ya txhatuka ngu txitimela veya Kipra.

Marku 6:48

Se e va wona va txi karateka ngutu ngu kutxungela, nguko moya wu ti va lambela. Ku ti ngako ku txi lava kumaha mbimo ya kuwonelela ka wumune ka wusiku, a to ta kwawe, na a txi tsimbila txitimwi ka digova a txi nga wo va pinda eya masoni.

Matewu 14:24

Se ngalava yi ti tsimbite mnava wa kuya kule ni mafu mametru amangi, yi txi pengapengiswa ngu mavimbi, nguko diphuho di ti va lambela.

Luka 8:22

Ka dimwani ditshiku a to wulela ngalavani ni vagondiswa vakwe, se a txi khene kwawe: “He tshawunyeteni digova diya hi ya mtxhatuko ka dona.” Se va to khukha.