Mithumo 27:24 - Bhiblia Yo Sawuleka

²⁴ yi txi kha yona: ‘U nga thave, Paulo! U fanete kuhoka masoni ka Khezari; wona, Txizimu txi vekile manzani kwako wutomi wa votshe va u endako navo mu txitimelani.’

Mithumo 27:24 Referans Kwoze

Mithumo 23:11

Ka wusiku wa kubandameta, Mkoma a to ti wonekisa ka Paulo, a txi khene kwakwe: “Tsanisa mbilu! Ngako u nga fakazela mhaka yangu Jerusalema, ti fanete kuva u yi fakazela kambe ni ni Roma.”

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Jakobe 5:16

Zivisanani sionho sanu, mi txi kombelelana, kufela ku mi txi hanyiswa. Mkombelo wa lisima wa mlulami wu ni mtamo ngutu.

Mithumo 9:15

Kambe Mkoma a ti khene kwakwe: “Tsula, nguko awuwa, ngu txona txiya txi ni nga ti sawulela txona, kasiku hokisa ditina dangu ka vamatiko, ni ka mfumeli, ni ka vanana va Israyeli.

Genesisi 19:29

Ngu toneto, mbimo yi Txizimu txi nga haxula madhoropa ale a libalani, txi to alakanya Abrahamu, se txi hulukisa Loti ka kuhaxulwa ka madhoropa awa Loti, a nga ti akile ka ona.

Mtuletelo 1:17

Mbimo yi ni nga mu wona, ni to wa minengeni kwakwe, ni txi nga ni to fa. Ene a to ni sanzeka dianza dakwe da txinene, a txi ni gela ku khene: “U nga thave. Ani ngani wa kukhata ni kugwitisa,

Mithumo 27:37

Se ngako va txi balwa votshe va va nga ti txitimelani, i ti ti 276.

2 Vafumeli 6:16

Se Elixa a to khene: U nga thave, nguko mbavangi va emako ni nathu, kupinda vale va ku navo vona.

Genesisi 15:1

Msana ka totshe tiya, dipswi da Mkoma di tile ka Abramu, ngu txiwoniso, di txi kha dona: “U nga thave awe Abramu, ani ngani txitxhavangu txako, hakhelo yako yi na va ya hombe ngutu.”

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Mithumo 27:44

Ava va nga sala, va na ti vhune ngu mapulango, mwendo ngu sipepu sa txitimela. Ngu toneto, votshe va to huluka ve huma va txi hanya.

Mithumo 25:11

Ngako hakunene ni di mahile to biha, ngako ni di mahile txionho txi txi dinganako ku ni dawa, kha ni lambi kufa. Aniko, ngako ku si nga ni ditshuri ka minandu yi va ni mangalelako ngu yona, awalo m'thu wu a sikotako ku ni ningela manzani kwawe. Ni kombela kulamulwa ngu Khezari.”

Mithumo 19:21

Na ti di mahekile tiya, Paulo a to kurumetwa ngu moya kuya Jerusalema, e pinda ngu Makedhoniya ni Akaya, a txi khene: “Msana ka kuva ni di zumbile niya, khene, ta laveka kambe ti to ni ya wona Roma.”

Johani 11:9

Jesu a to xamula, a txi khene: “Kasi ngu ditshiku kha ku nga ho digumi da sikhati ni simbidi, kani? Ngako m'thu a txi tsimbila ni mitshikari, kha humbwi, nguko wa wona liwoningo la ditikoni muwa.

Matewu 10:18

se va na mi yisa masoni ka tinduna ni ka vakoma ngu mhaka yangu, kasi mi va tifakazi masoni kwawe ni ka vamatiko.

Mika 5:7

Se miboti ya ka Jakobe, yi na va hagari ka vathu vavangi, ku nga mwando wa Mkoma, ku nga matshutshelo txitimwi ka mwasi, wu si emeliko m'thu, mwendo kuverela vanana va vathu.

1 Vafumeli 17:13

Se Elija a to khene: U nga thave; tsula u ya maha tona ti u nga womba; hambiketo, khata ngu ku ni mahela txibhubhutela txatxidotho uta natxo hahanze; ngu msana u na maha txako ni txa mwanana wako.

Genesisi 46:3

Txizimu txi to kha txona: “Ani ngani Txizimu txa tate wako. U nga thave kutsula Egipta, nguko koneyo ani ni na ya tumbulukisa mfumo wa hombe ngu ngawe.

Genesisi 39:23

Mxayisi wa mkora a ti si karateki ngu txilo, totshe ti ti manzani ka Josefa, nguko Mkoma a ti ti kumweko nayo, a txi katekisa mithumo yotshe yile a nga ti yi maha.

Genesisi 39:5

Kukhukhela ka txikhati txi Josefa a nga vekwa ha wukhaloni ko xayisa m'ti wa Potifari ni sotshe si si nga ti mlumba, Mkoma a to katekisa nyumba ya Muegipta, ngu mhaka ya mathomo a Josefa. Kateko ya Mkoma yi to hokela sotshe si a nga ti naso ha m'tini kwakwe, ni thembweni kwakwe.

Genesisi 30:27

Sekoko Labhani a to mxamula a txi khene: “Ngako ni di mani mathomo masoni kwako, zumba ni nani. Ni zivisilwe ngu txiwoniso ti to Txizimu txi ni katekisile ngu mhaka yako.

Dhaniyeli 2:24

Ngu mhaka yeto, Dhaniyeli a toya ka Ariyoki, awule mfumeli a nga ti msawute ti to e dayela titxhari ta Bhabhilona, a to wulela a txi m'gela ku khene: U nga thuke u daya titxhari ta Bhabhilona, aniko ni yise masoni ka mfumeli, kasiku ni txiya mninga txhamusela ya mloro.

Mithumo 27:31

Se Paulo a txi gela mthangeli wa dizana ni masotxhwa, a txi khene: “Ngako vona va si zumbi txitimelani, kha mi na kuhuluka.”

Mithumo 27:42

Sekoko masotxhwa ma to pimisa kudaya sibotxhwa, ma txi kha ona: Simwani si nga thava ngu kusambela.

Filimoni 1:22

Seni kambe, ni lulamisele wukhalo wo nata zumba ka wona, nguko ngu konaho ka mikombelo yanu, na themba ti to ni na tshumetwa ni txi wuya kheyo kwanu.

Jobe 35:8

Wubihi wako wa maha ta walo ka mmwani m'thu; ni kululama kwako ka vhuna mwanana wa mkwanu.

Sidilo 3:57

Ditshiku dile ni nga kudhana, u tshuketile u txi ta khawe: “U nga thave.”