Mithumo 27:21 - Bhiblia Yo Sawuleka

²¹ Ku ti pindile masiku amangi hi si dyi txilo. Konako Paulo a to khukha a txi ema hagari kwawe, a txi khene: “He manuwe, idiku mi ti ni engisile, mi si khukhi Kreta, nga hi sa humelelwa ngu phango yiya ni kuluza kuwa ka hombe.

Mithumo 27:21 Referans Kwoze

Genesisi 42:22

Se Rubheni a to va xamula a txi khene: “Kha na mi gela ti to mi nga maheni kubiha ka mnanda wathu, kani? Aniko anu kha ma ni engisa; se wonani, mnoha wakwe wa vilelwa.”

Mithumo 27:7

Kambe ngako hi nga ti tsimbila ngu kudotho-kudotho, masiku o tala, hi to hoka ngu kukarateka hafuhi ni Kinidha; se ngako diphuho di nga ti hi lambela, hi to vayilela Kreta ngu didhawa da Salmona.

Mithumo 27:12

Kambe ngako txitho txi nga ti sa lulama kutemela ka txona ngu mbimo ya wuxika, vavangi va ti ti kha vona i txhuko kuduketa kuya fungala masiku a wuxika va di Fenikisi, i ku txitho txa Kreta, txi nga dingetana ni wulenge ka kuya wulambwe, ni wulenge ka kuya wuphemba.

Mithumo 27:13

Ku ti ngako diphuho da wulambwe di di khatile kufuteta kha kwati, va to alakanya ti to va mani txi va nga ti vilela txona. Va to khukha ve longoloka ngu ligungusa la Kreta.

Mithumo 27:20

Ngako ku nga ti si woneki ditambo hambi tinyeleti ka masiku o tala, na txihuhuri txi ya masoni ngu kupeka ngu mtamo, hi to gumelwa ngu kuthemba kotshe ku hi nga ti nako ka kuhuluka.