Mithumo 27:2 - Bhiblia Yo Sawuleka

² Ku ti ngako hi di wulete ka txitimela txa kuta ngu Adramita, ayi yi nga ti txhatukela kuya phuho ya Aziya, hi to ñola nzila hi tsula. Hi ti ni Aristarkusi wa Tesalonika, didhoropa da Makedhoniya.

Mithumo 27:2 Referans Kwoze

Mithumo 19:29

Dizunga di to tshanganisa txotshe txidhoropana, se vathu ngu ntalo ve tutumela ka wukhalo wa misakano, na va txi ruruvisa Gayo ni Aristarkusi, vathu va Makedhoniya va nga ti tsimbila kumweko ni Paulo.

Filimoni 1:24

Kumweko ni Marku ni Aristarkusi, ni Dhemasi ni Luka, sithumi kulothi.

Vakolosa 4:10

Wa mi dingula Aristarkusi i ku txibotxhwa kulothi, kumweko ni Marku mtukulu wa mwanawe Bharnabhasi, awu mi nga ziviswa timhaka takwe; ngako a txi mi endela, mu amukeleni.

Mithumo 28:16

Mbimo yi hi nga wulela Roma, Paulo a to tumelelwa kuzumba ka nyumba ya ekha, kumweko ni disotxhwa di di nga ti mu woneleta.

Mithumo 28:12

Se hi to hoka Sirakusa, ahawa hi nga ya fungala masiku mararu.

Mithumo 28:10

Konaho, va to hi bonga ngu ku hi komba txixonipho txa hombe; se mbimo yi hi nga khukha hi satisana navo, va to hi ninga sotshe si hi nga ti si pwata.

Mithumo 28:2

Vathu va kuvelekelwa konaho va to hi amukela ngu manza mambidi; veza ve hi dhivelela ni mndilo, ngu ku ma nga txi wa mati, na kambe ku ti ni pheho.

Mithumo 21:5

Kambe ngako ma di gumile masiku ale, hi to longela kasiku hi khukha. Hi khukhile na hi txi heleketwa ngu vavasikati ni sivananana. Ngako hi di humile hahanze ka didhoropa, hi to khizama mabambe ka mati hi khongela.

Mithumo 19:19

Vavangi ka vale va nga txi ti ningetela ka masalamuso va to teketela mabhuku awe, va txi ta ma hisa masoni ka votshe vathu. Mbimo yi ku nga lawa kuziwa mtengo wa male ya ona, va to wona ti to ma nga teka 50.000 wa male ya silivhela.

Mithumo 17:1

Paulo ni Silasi, va to tsimbila ngu nzila yi yi pindako ngu Amfipoli ni Apoloniya, ve hoka Tesalonika, ahawa Vajudha va nga ti ni disinagoga.

Mithumo 16:17

Se a to londeta Paulo ni nathu, na a txi kwangula, a txi khene: “Vathu vava mbathumeli va Txizimu Nyatxitimwi; vona va mi zivisa nzila ya kuhanyisa.”

Mithumo 2:9

Vaparta, Vamedhi, Vaelamita, vaaki va Mesopotamiya va kuhuma Judheya ni Kapadhokiya, va Ponto ni Aziya,

Luka 8:22

Ka dimwani ditshiku a to wulela ngalavani ni vagondiswa vakwe, se a txi khene kwawe: “He tshawunyeteni digova diya hi ya mtxhatuko ka dona.” Se va to khukha.