Mithumo 27:17 - Bhiblia Yo Sawuleka

¹⁷ Msana ka kuva hi di txi hayekile txitimwi, hi to lava tinszila, hi sungelela txitimela ngu majoke; se ngu kuthava kuya khima ha mafuni ka Siriti, hi to phutela matanga, hi ya masoni ngu kulondeta moya.

Mithumo 27:17 Referans Kwoze

Mithumo 27:29

Ngu kuthava ti to hi nga thuka hi khwekela siwindini ka linene, vona va to rinza mune wa tihangi matini, na hi txi wonelela kutxa.

Mithumo 27:41

Se ngako txitimela yi di khimile ha mafuni, hagari ka tidhonga timbidi, yi to khwekela. Khana ya txitimela, ngu kukhwekela ngu mtamo, yi to ñolwa yi si dekadeki; se mmidi wa txitimela wu txi funyekela ngu mtamo wa mavimbi.

Mithumo 27:26

Se hi fanete kuya tshotshwa txitondoloni kokari.”

Mithumo 27:16

Ku ti ngako hi di longolokile, na hi txi vhikelwa ngu tximwani txitondoloanyana txi txi dhanwako ku i Kawudha, ngu kukarateka hi zile hi sikota ku ndindela txingalavana txo lumukela phango hi txi wuyisa txitimelani ka hombe.

Mithumo 27:40

Va to thukunyula tihangi ve ti leka matini, ve thukunyula kambe ni tingoti ta mphesu wa txitimela. Msana keto, va to gwimba ditanga da hombe, ve tsimbitiswa ngu diphuho kala ligungusani.