Mithumo 26:6 - Bhiblia Yo Sawuleka

⁶ Se konkuwa ni maneka hawa ni txi lamulwa ngu mhaka ya kuverela txithembiso txi txi nga mahwa ngu Txizimu ka vatate vathu,

Mithumo 26:6 Referans Kwoze

Mithumo 24:15

Txithembo txi ni ku natxo ka Txizimu, ni vona va natxo: Ti to vo lulama ni va ku ambi lulama va na wuka ka vakufa.

Titosi 2:13

na hi txi verela txithembo txathu txa ditshuri, i ku kupfaliswa ka Txizimu txathu txa hombe ni Muhanyisi wathu Jesu Kristu.

Mithumo 28:20

Ngu konaho ni nga mi dhana kasi ku ta mi wona, ni kuwombawomba ni nanu, nguko ni sungilwe ngu titxhini tiya ngu mhaka ya kuthemba ka Israyeli.”

Varoma 15:8

Na womba ti to Kristu a ti mahile mthumeli wa sithiva sa Vajudha, kasi kukombisa ditshuri da Txizimu ni kutsanisa sithembiso si si nga mahwa ka vatate vathu;

Mithumo 23:6

Kambe Paulo, ngako a nga ti tiziva ti to vamwani hagari kwawe i ti Vasadhusi, vamwani i ti Vafarisi, a to guleta dipswi masoni ka madhota, a txi khene: “Vanathu, ani ni mfarisi, mwanana wa Vafarisi, ni lamulwa ngu mhaka ya kuthemba kwathu ka kuwuka ka vafi.”

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

Dhewuteronome 18:15

“Mkoma, Txizimu txako, a na ku humisela mprofeti wo fana ni nani, hagari ka va ka kwanu; awule mi no fanela ku mu engisa”;

Genesisi 26:4

Ani ni na maha ti to liveleko lako li txi tala ha mafuni nga tinyeleti ta nzumani, otshe matiko awa ni na ninga vatukulu vako, se ngu mhaka yawe, mifumo yotshe ya ha mafuni yi na katekiswa,

Genesisi 22:18

Se ngu ka liveleko lako yi na katekiswa yotshe mifumo ya ha mafuni, nguko u engisile dipswi dangu.”

Genesisi 12:3

Ni na katekisa wule a no kukatekisa, ni ruketela wule a no kueyisa. Ngu mhaka yako, ti nava ti txi katekiswa totshe tixaka ta ha mafuni.”

Vagalatiya 4:4

Mbimo yi txi nga hoka txikhati txa kona, Txizimu txi rumete Mwanana wa txona, a nga velekwa ngu wamsikati, a nga tumela kufumwa ngu Mlayo,

Mithumo 26:8

Ngu kutxani va si kholwi vathu hagari kwanu ti to Txizimu txi nga wusa vakufa kani?”

Mithumo 24:21

ahanti mwendo i di dipswi di ni nga womba ngu mtamo masoni kwakwe, ni txi khani: ‘Nyamsi na lamulwa ngu mhaka ya kuwuka ka vafi.’ ”

Mithumo 3:24

Votshe vaprofeti va va nga womba-womba, kukhukhela ka Samuwele ni va va mu gametako, votshe va ma profetile masiku awa.

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Malakiya 3:1

Wonani taku, ni mi rumela ngelozi yangu, ayi yi no ni lulamisela nzila, se msana keto, Mkoma wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba Mkoma wa Mabutho a Tiyimbi.

Zakariya 13:1

Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Zakariya 6:12

Se m'gele, u txi khawe: Mkoma wa Mabutho a Tiyimbi, a khene: Ndiyo m'thu wu ditina dakwe i ku Kuthunga; Ene a na mila ka wukhalo wakwe, kambe a na aka dithepele da Mkoma.

Mika 7:20

Jakobe a na mninga kuthemba, se Abrahamu a na mninga wunene wule a nga xambanya ka vatate vathu, kukhukhela ka masiku a kale.

Obhadhiya 1:21

Se ku na wuka vahanyisi mmangoni ka Siyoni, ku ta thethisa va mmangoni ka Esawu; se wukoma wu na va wa Mkoma.

Joyeli 2:32

Se ku na maheka taku, votshe vale va no khumbuka ditina da Mkoma, va na hanyiswa; nguko mmangoni ka Siyoni ni Jerusalema ku na veho kuthuseka, madingano ni ti a khalako kuwomba Mkoma, ni ka vamwani ava Mkoma a no va dhana.

Hoseya 3:5

Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.

Ezekhiyele 37:24

Se txithumi txangu Dhavhidha a na fuma txitimwi kwawe, votshe va na va ni m'dyisi mmweyo; kambe va na tsimbila ngu wululamo wangu, ni kuvekisa sileleto sangu, va na si maha.

Ezekhiyele 21:27

Ni na khundumusa, ni na khundumusa, ni na khundumusa m'bhoti wuwa, kha wu na mbi va i di wona kambe m'bhoti wuwa, ku nata wule wu lumbako m'thu wa kona, se ni na ninga eneyo.

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

Isaya 4:2

Ka ditshiku dile, Dikhukhu da Mkoma di na tala ngu wudhumo ni kutshura; se mihando ya mafu nja, Vaisrayeli vale va nga sala.

Masalmo 132:17

Konaho ni na wusa mtamo wa mfumo wa Dhavhidha, konako ni na humelelisa liwoningo la mfumeli wu ni nga msawula.

Masalmo 132:11

Awe u mahile txithembiso ka Dhavhidha, txithembiso txi u no mbi txi tshuralela, u ti khawe: “Mmweyo wa vanana vako ni na mmaha mfumeli awu a no fuma msana kwako.

Masalmo 98:2

Mkoma a zivisile kuhanyisa kwakwe; masoni ka mifumo a kombisile kululama kwakwe.

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”