Mithumo 26:5 - Bhiblia Yo Sawuleka

⁵ Vona va tiziva ngu kale, va nga fakaza ngako va txi ti lava, ani ni hanyile ngu mlayo wa wufarisi, awu i ku wa wunene ngutu ka wukholwa wathu.

Mithumo 26:5 Referans Kwoze

Mithumo 23:6

Kambe Paulo, ngako a nga ti tiziva ti to vamwani hagari kwawe i ti Vasadhusi, vamwani i ti Vafarisi, a to guleta dipswi masoni ka madhota, a txi khene: “Vanathu, ani ni mfarisi, mwanana wa Vafarisi, ni lamulwa ngu mhaka ya kuthemba kwathu ka kuwuka ka vafi.”

Mithumo 22:3

“Ani ni Mujudha. Ni velekelwa Tarso ka Kilikiya. Aniko ni kulete ka dona didhoropa diya, ni txi gondiswa ngu Gamaliyeli kuveketa ta tinene Mlayo wa vatate vathu, ni ti ni kukhutala ka hombe ngu timhaka ta Txizimu, nga tiya na nanu motshe mi mahako nyamsi.

Mithumo 24:5

Hi mani m'thu wuwa i ku mtungu a wusako mazunga hagari ka votshe Vajudha va ditiko. Ene i mthangeli wa mtxawa wa Vanazareta.

Mithumo 22:5

Mphaxeli wa hombe ni dotshe dibanza da madhota va sikota ku ni fakazela; se vona va ni ningile mapapilo awa va nga bhalela vanathu va Dhamasku. Se ani ni tsute koneyo kasi kuya va wuyisa Jerusalema va di sungilwe ngu tingomondo kufela ku ta tsayiselwa kheno.”

Mithumo 24:14

Ditshuri di ni di zivako ngu diya: Ani ni thumela Txizimu txa vatate vathu, madingano ni Nzila yi vona va ku kha vona njo timeta, kasi ani ni kholwa ka totshe ti ti nga bhalwa mu ka Mlayo ni Vaprofeti.

Mithumo 15:5

Aniko vamwani va mtxawa wa Vafarisi, ava va nga amukela likholo, va to khukha va txi kha vona: “Ta laveka ku vamatiko ve yiswa wukwerani ni ku leletwa ti to ve veketa Mlayo wa Mosi.”