Mithumo 26:4 - Bhiblia Yo Sawuleka

⁴ Ati ni nga hanyisa tona ditikoni ka Jerusalema, kukhukhela ha wananani kwangu, votshe Vajudha va tiziva.

Mithumo 26:4 Referans Kwoze

Vagalatiya 1:13

Kha ditshuri, mi ti engisile ati ni nga ti ti hanyisa tona kale, ta wujudha, ni tshofu yo pindisa, ya ti ni nga ti xanisisa tona Dibanza da Txizimu ni kulava ku di fuvisa.

2 Timoti 3:10

Kambe awe u ni londisete ngu hafuhi amu ka kugondisa, amu ka mahanyelo, amu ka makungo, amu ka likholo, amu ka lihoniselo, amu ka lirando, amu ka kutimisela,

Vafilipiya 3:5

ni yisilwe wukwerani ka ditshiku da wutxhanu ni mararu, ni wa lixaka la ka Israyeli, ka lihunzu la ka Bhenjamini, Muhebheru, mwanana wa Vahebheru, ngu mu ka milayo ni mfarisi,

Mithumo 22:3

“Ani ni Mujudha. Ni velekelwa Tarso ka Kilikiya. Aniko ni kulete ka dona didhoropa diya, ni txi gondiswa ngu Gamaliyeli kuveketa ta tinene Mlayo wa vatate vathu, ni ti ni kukhutala ka hombe ngu timhaka ta Txizimu, nga tiya na nanu motshe mi mahako nyamsi.

Mithumo 24:14

Ditshuri di ni di zivako ngu diya: Ani ni thumela Txizimu txa vatate vathu, madingano ni Nzila yi vona va ku kha vona njo timeta, kasi ani ni kholwa ka totshe ti ti nga bhalwa mu ka Mlayo ni Vaprofeti.