Mithumo 26:24 - Bhiblia Yo Sawuleka

²⁴ Paulo, a di ngadi a txi ti angulela ngu mapswi awa, Festo a to gula dipswi, a txi khene: “Wa xanga, mo Paulo! Sigondo si sako sasingi sa kuxangisa!”

Mithumo 26:24 Referans Kwoze

1 Vakorinto 1:23

Aniko athu hi txhumayela timhaka ta Kristu, awu a nga bethelwa ha txihambanoni, awu i ku txikhuvekiso ka Vajudha, a mahwako txipumbu ngu vamatiko;

2 Vakorinto 5:13

Ngako hi di xangile, hi xangela Txizimu; ani hi di ni mapimo amanene, hi nawo ngu kota yanu.

1 Vakorinto 4:10

Athu hi sipumbu ngu mhaka ya Kristu, se anu mi titxhari ngu ka Kristu; athu hi mapwembwe, anu mi tindena; anu mi vo xonipheka, athu hi vo eyiseka,

Marku 3:21

Va ka kwawe, ngako va txi pfa toneto, va to ta ku ta mñola, nguko va ti ti kha vona: “A hambanekile msungo.”

Mithumo 26:11

Sikhati sasingi, mbimo yi ni nga ti tsimbilatsimbila ka otshe masinagoga, ngu tshofu ni ti va kurumeta kuruketela Txizimu; se ngu kuhenya ko pindisa, ni ti va xanisa hambi madhoropani ka mamwani matiko.”

Jeremiya 29:26

Mkoma a ku emisile ku va mphaxeli ka wukhalo wa Jehoyadha, mphaxeli, kasi kumaneka vathangeli Nyumbani ka Mkoma, ti taku, u txi sunga ngu makhodha ni tingoti, ava va xangako, va txi ti maha vaprofeti.

2 Vafumeli 9:11

Jehu a to huma eya ka sithumi sa nyamne wakwe, si txi kha sona: I thenga kani? Dibhemba diya di tete txani kwako kani? Se Jehu a to khene kwawe: Anu ma m'ziva wamwamna wule, ni mawombawombelo akwe.

Mithumo 17:32

Kambe vona, ngako va txi pfa mhaka ya kuwuka ka vafi, vamwani va to seka, vamwani va txi kha vona: “Hi ngadi hi txi na tshumela hi kuengisa kambe ka mhakeyo.”

Hoseya 9:7

Ma hokile masiku o tsayiswa, ma hokile masiku a kupharela; Israyeli a na tiziva; mprofeti kha na mapimo, m'thu wa moya, njiphukuphuku; ngu mhaka ya kutala ka wubihi wako, ni lona livengo li na kula.

Mithumo 24:25

Kota ngako a nga txi womba ngu ta kululama ni ta kutiñola, ni ta kulamulwa ku kutako, Felikisi a to dhuka, se a txi khene: “Tsula; ni na kudhana ngu yimwani mbimo.”

Mithumo 22:1

“Vanathu ni vatate, konkuwa engisani ti ni lavako ku mi gela, kasiku ni txi ti fakazela.”

Johani 8:52

Vajudha va txi kha vona kwakwe: “Konkuwa se ha tiziva ti to u na ni didhimoni. Abrahamu a fite, vaprofeti ni vona va fite; se awe u khawe: ‘Ngako m'thu a txi veketa dipswi dako, kha na mbi wona lifo ni ditshiku ni da dimwedo.’

Johani 8:48

Vajudha va to xamula, va txi kha vona kwakwe: “Ina kha hi wombi tona ti to khathu, awe u Msamariya, ni ti to khathu u na ni didhimoni kani?”

Johani 7:15

Se Vajudha ve xamala, va txi kha vona: “Awuwa a yi zivisa kutxani Mibhalo, kuve kha gonda kani?”

Mithumo 24:27

Kambe, ngako ku di pindile malembe mambidi, Porkiyo Festo a to fuma, e tsiveta Felikisi. Kasi Felikisi a ti lekile Paulo mkorani, ngu kuranda kutsakisa Vajudha.

2 Timoti 3:15

Kukhukhela ha wananani kwako, wa yi ziva Mibhalo yo sawuleka, yona yina ni mtamo wa ku kuninga wuzivi, awu wu yisako kuhanyiswani ngu kukholwa ka Kristu Jesu.