Mithumo 26:2 - Bhiblia Yo Sawuleka

² “Ka totshe timhaka ti ni mangalwako ngu tona ngu Vajudha, awe mfumeli Agripa, ni khani ni katekile, ngako ni txi ti xamulela masoni kwako nyamsi;

Mithumo 26:2 Referans Kwoze

Masalmo 119:46

Ni na nuwela milayo yako ka vafumeli kuwalo ni wammweyo a no ni wisa tingana.

Luka 12:11

Ngako va txi mi yisa masinagogani ni ka vafumeli, ni ka vakoma, mi nga thukeni mi txi kana-kana ngu ti mi no ti xamulelisa tona, ni ti mi no womba.

Mithumo 26:1

Se Agripa a txi khene ka Paulo: “U nga ti wombawombela.” Se a to gwimba diwoko, e ti angulela, a txi khene:

Mithumo 26:3

nguko awe wa ma zivisisa otshe mahanyelo a txijudha ni totshe timhaka ti va kanetisanako ngu txona. Ngu konaho, na ku kombela u txi ni engisa kha kwati.

Mithumo 26:7

i ku txithembiso txi tihunzu tathu ta digumi ni timbidi ti verelako ku txi mana, na ti txi khutalela kukhozela Txizimu wusiku ni mitshikari. Mfumeli Agripa, ni mangalelwa ngu Vajudha ngu mhaka ya txona txithembiso txiya.

Matewu 10:19

Aniko ditshiku di va mi ningelako kwawe, mi nga karatekeni ngu kulava kuziva ati mi no womba tona ni mawombawombelo a kona.

Luka 21:12

Aniko ti sinzi kumaheka totshe tiya, va na mi ñola, va txi mi xanisa, va txi mi ningela masinagogani, va txi mi sekela mikorani; va na mi yisa ka vakoma ni vafumeli ngu mhaka ya ditina dangu;

Mithumo 25:26

Ngako ni nga mbi mana mhaka yo tsana ya kubhalela mfumeli, ani ni mu veka masoni kwanu, ngutu-ngutu kwako, mfumeli Agripa, kasiku, msana ka kuva yi di wotisisilwe mhaka yakwe, ni sikota kuziva ati ni no bhala txona ngu ngene.

Mithumo 26:19

“Ngu toneto, mfumeli Agripa, ani kha na lamba txiwoniso txiya txa nzumani:

Mithumo 26:26

Hakunene, mfumeli wu a ni tsanisako ni txi womba-womba masoni kwako, wa tiziva totshe tiya, txi walo ni txa tximwetxo a txi timelelako, nguko kha ta mahwa kusisalani.