Mithumo 26:16 - Bhiblia Yo Sawuleka

¹⁶ Aniko khukha u txi ema, nguko ni ti wonekisile kwako, ni kusawute kasiku u txi maha mthumeli ni fakazi ya ti ni nga ti wonekisisa tona kwako, ni ya ti ni no ti wonekisisa tona kambe kwako.

Mithumo 26:16 Referans Kwoze

Dhaniyeli 10:11

Se a to khene kwangu: Dhaniyeli, wamwamna wo dhundeka ngutu, pfisisa kha kwati mhaka yi ni kugelako. Khukha u txi ema, nguko nyamsi ni rumilwe kwako. Se a txi nga txi womba-womba ni nani mapswi awa, ani ni ti to dhudhumela.

Ezekhiyele 2:1

Se a to ni gela ku khene: Mwanana wa m'thu, khukha u txi ema, ni na womba-womba ni nawe.

1 Timoti 1:12

Na bonga ka wule a nga ni ninga mtamo, Kristu Jesu, Mkoma wathu, a nga ni wona ni di wo thembeka, a txi ni sawula kasiku ni mthumela,

Vagalatiya 1:12

Nguko ani kha na yi amukela ka m'thu, hambi kugondiswa ngu m'thu, aniko ni to yi mana ngu kutulelwa ngu Jesu Kristu.

Varoma 15:16

yo ni maha txithumi txa Jesu Kristu hagari ka vamatiko, ani ni nga sawulwa ni txi mahwa mthumeli wa Evhangeli ya Txizimu, kasiku vamatiko ve va i di mningelo wa kutsakisa Txizimu, na wu di basisilwe ngu Moya wo Sawuleka.

Vakolosa 1:25

Ni ti mahile mthumeli wa dona ngu kurumwa ngu Txizimu, txi nga ni ninga mthumo wuwa ngu mhaka yanu, mthumo wa kutxhumayela Dipswi da Txizimu;

Vakolosa 1:23

kambe mi fanete kutsana amu ka likholo, mi si hambuki amu ka txithembo txa Evhangeli yi mi nga yi amukela, ayi yi nga nuwelwa ka sotshe sivangwa si si ku hahatshi ka nzuma, Evhangeli yoneyo nani Paulo ni nga mahwa txithumi txa yona.

Vagalatiya 2:2

Ni kwete ni txi ya kona ngu kutulelwa ngu Txizimu. Ni xawutete masoni kwawe Evhangeli yi ni txhumayelako ka vamatiko; ni wonani navo ngu phuho avale i ku vathangeli va hombe, ni txi va xawutela ni vona, ngu kuthava ti to ni nga tutuma mwendo ni nga va ni di tutumile mahala.

Mithumo 23:11

Ka wusiku wa kubandameta, Mkoma a to ti wonekisa ka Paulo, a txi khene kwakwe: “Tsanisa mbilu! Ngako u nga fakazela mhaka yangu Jerusalema, ti fanete kuva u yi fakazela kambe ni ni Roma.”

2 Timoti 4:5

Aniko, awe, zumba u di tsani yotshe mbimo, timisela amu ka sixaniso, ti ningetele ka mthumo wa Evhangeli, hetisa mthumo wako.

1 Timoti 4:6

Ngako u txi txhamusela timhaka tiya ka vanathu, u na va u di m'dhiyakoni wamnene wa Jesu Kristu, awu a dyiswako ngu mapswi a likholo ni gondo ya yinene, ayi u yi londetelako ngu kale.

1 Vatesalonika 3:2

Hi rumela Timoti mwanathu ni txithumi txa Txizimu, txa kuthumela Evhangeli ya Kristu, kasiku a txi ta mi tsanisa ni ku mi ninga mtamo amu ka likholo lanu.

Vakolosa 1:7

Mi gondisilwe ngu Epafrasi, mngana wathu ni txithumi kulothu, awu a hi vhunako nga txithumi txo thembeka txa Kristu;

2 Vakorinto 5:18

Totsheto ti ta ngu ka Txizimu, atxi txi nga hi tshanganisa natxo ngu Kristu; txona txi hi ningile mthumo wa kutshanganisa vathu kumweko natxo.

2 Vakorinto 4:1

Ngu toneto, aku hi ku ni mthumo wu hi nga ningwa ngu wumbilu wa Txizimu, kha hi gumi mtamo.

Varoma 1:5

Ngu ngene hi amukete kateko ni fanelo ya wupostoli, kasiku votshe vathu va matiko ve yiswa kuengisani ka kukholwa, ve dhumisa ditina dakwe;

Mithumo 22:10

Sekoko ni tshumela ni txi khani: ‘Nji txani ni fanelako ku txi maha kani, Mkoma kani?’ Se Mkoma a to khene: ‘Khukha u txi tsula Dhamasku. Eho u na ya gelwa ti u fanelako ku ti thuma.’

Mithumo 21:19

Msana ka kulosa, a to khata kutxhatxhameta masoni kwawe, yimweyo ngu yimweyo, totshe ti Txizimu txi nga ti maha ngu ngene hagari ka vamatiko.

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

Mithumo 6:4

Kasi athu hi na khutala hi txi ti ningetela ka mthumo wa kukhongela ni kutxhumayela.”

Mithumo 1:25

kasiku e teka wukhalo wa Judha, mthumoni ka wupostoli, awu a nga wu leka e tsula mu kulumbako ene.”

Mithumo 1:17

Ene i ti ti mmweyo wathu, se a ti ti ningilwe txyavelo txa mthumo wathu.

Luka 1:2

avava va nga hi xawutela tona ngu vale, kukhukhela makhatoni, va nga ti wona ngu maso awe, na kambe i di vatxhumayeli va Dipswi.

Mithumo 26:15

Se ni txi khani: ‘Ngawe mani, Mkoma kani?’ Mkoma a txi khene: ‘Ngani Jesu, wu awe u mu xanisako.

Vaefesu 3:3

Ngu txona txi nga ni tuletela kuziva mhaka ya msisalo wuwa, nga ti ni nga mi bhalela ngu kukomisa.