Mithumo 26:11 - Bhiblia Yo Sawuleka

¹¹ Sikhati sasingi, mbimo yi ni nga ti tsimbilatsimbila ka otshe masinagoga, ngu tshofu ni ti va kurumeta kuruketela Txizimu; se ngu kuhenya ko pindisa, ni ti va xanisa hambi madhoropani ka mamwani matiko.”

Mithumo 26:11 Referans Kwoze

Mithumo 22:19

Ani ni xamute ni txi khani: ‘Mkoma, vona va tiziva ti to ngani ni nga ti tsimbila masinagogani, ni ñolela ni va khotela mkorani ni ku va kwapela, ava va kholwako kwako;

Mithumo 13:45

Sekoko ngu kuwona dibutho da vathu, Vajudha va to tala ngu kubavela, se va txi angula ngu siruko ka timhaka tiya Paulo a nga ti womba-womba ngu tona.

Matewu 10:17

Ti woneleni ka vathu, nguko va na mi mangalela ha banza, va na mi kwapa masinagogani kwawe,

Mithumo 22:5

Mphaxeli wa hombe ni dotshe dibanza da madhota va sikota ku ni fakazela; se vona va ni ningile mapapilo awa va nga bhalela vanathu va Dhamasku. Se ani ni tsute koneyo kasi kuya va wuyisa Jerusalema va di sungilwe ngu tingomondo kufela ku ta tsayiselwa kheno.”

Mithumo 9:1

Kambe Sawule, ngukuva a di ngadi ni mahika a kubavela kudaya vagondiswa va Mkoma, a to tsula ka mphaxeli wa hombe,

2 Pedro 2:16

aniko a kawukilwe ngu kona kubiha kuwa kwakwe. Ngu toneto, mbongola ya txiduma yi wombawombile ngu dipswi do nga da m'thu, se yi txi malata wubhambani wa mprofeti.

Jakobe 2:7

Ina hi nga vonavo va ruketelako ditina da dinene, di mi nga phaxwa ngu dona kani?

Mithumo 18:6

Kambe ngako a txi wona kukaneta kwawe, ni kuruka kwawe, Paulo a to zuza tinguwo takwe, a txi khene kwawe: “Mnoha wanu wu nave txitimwi ka misungo yanu. I di ani ni basile: Kukhukhela konkuwa ni na tsula ka vamatiko.”

Luka 21:12

Aniko ti sinzi kumaheka totshe tiya, va na mi ñola, va txi mi xanisa, va txi mi ningela masinagogani, va txi mi sekela mikorani; va na mi yisa ka vakoma ni vafumeli ngu mhaka ya ditina dangu;

Luka 15:17

“Se a di zumbile a txi ti alakanya, a to khene: ‘Nza singi sithumi sa tate wangu, si dyako, si txi sela, kuve ani na fa hawa ngu nzala.

Luka 6:11

Konaho vona va to tala ngu kuhenya, se ve wombawombisana ngu ti va no ti maha ka Jesu.

Marku 13:9

“Kambe anu ti woneleni, nguko va na mi ningela mabanzani ko lamulwa, ni masinagogani, mi na kwapelwa, mi emiswa masoni ka tinduna ni ka vafumeli ngu mhaka yangu, kasiku mi va tifakazi tangu masoni kwawe.

Marku 3:28

Kha ditshuri na mi gela ku khani: Vanana va vathu va na divalelwa sionho sotshe ni siruko sotshe si va no si womba.

Ekleziyaste 9:3

Awuwa mbubihi wu wu ku hagari ka totshe ti ti mahwako hahatshi ka ditambo: I ku tito, ka votshe, kuhumelela to fana; ni ti to, timbilu ta vanana va vathu ti tate ngu wubihi; wupumbu wu mu ka timbilu tawe, amu kuhanyani kwawe, ngu magwito vaya kufani.

Masalmo 102:8

Valala vangu va ni poyilela otshe masiku, va ni ruketela va txi womba kubiha ngu ditina dangu.