Mithumo 25:6 - Bhiblia Yo Sawuleka

⁶ Ku ti ngako a di zumbile navo masiku awa ma si pindiko mtxhanu ni mararu, mwendo digumi, Festo a to kwitima eya Khezareya. Mangwanani ka kona, a to khalahatsha ha txikhaloni ka kulamula, e rumela kudhana Paulo.

Mithumo 25:6 Referans Kwoze

Mithumo 25:17

Vona, ngako va di hokile votshe ahawa, ani kha na swela: Mangwanani ka kona ni to ya khalahatsha ha txikhaloni ka kulamula, ni rumela ku e nehwa m'thu wuwa.

Mithumo 25:10

Aniko Paulo a ti khene: “Ani ni emile masoni ka dibanza da kulamula da Khezari, ahawa ni fanelako kulamulelwa kona. Txi walo txionho ni nga txi maha ka Vajudha, ngako nawe u ti zivako kha kwati.

Matewu 27:19

Na ene a di khalahatshile ha txikhaloni ka kulamula, msikati wakwe a to rumela kuya mu gela tiya: “U nga thuke u txi ti wuleta ka mhaka ya m'thu wuwa wo lulama, nguko ni pandisekile ngutu hamnova ngu miloro ngu mhaka yakwe.”

Jakobe 2:6

Aniko, anu mi nyenyile txisiwana! Se ina hi nga vanyatithombe va mi tsotsorolako kani? Vonavo va mi ndindako ve mi yisa kuthethiswani kani?

2 Vakorinto 5:10

Nguko hotshethu hi na ya ema hi txi thethiswa masoni ka Kristu, kasiku mmwani ni mmwani a txi amukela atxile txi m'fanelako, madingano ni wunene mwendo wubihi wu a nga wu maha, a di ngadi a txi hanya wutomi wa mmidi.

Johani 19:13

Pilato, a di engisile mapswi awa, a to humisa Jesu hahanze, se e khalahatsha ha txikhaloni ka kuthethisela kona, ahawa va nga ti kudhana ku Marigwini, se ngu Txihebheru va txi i Gabbatha.

Mithumo 8:40

Kambe Filipi a to maneka a di Azoto; se e tsimbila e gondisa Evhangeli ka otshe madhoropa, kala eya hoka Khezareya.

Mithumo 25:1

Ngako Festo a di bwakile ka ditiko donedo, a zumbile masiku mararu Khezareya, se e kwela Jerusalema.

Mithumo 25:4

Kambe Festo a to va angula a txi khene Paulo a seketwe mkorani ka Khezareya, e va gela kambe ku khene ene Festo apune a na khukha ngu kukuluveta e tsula koneyo.

Mithumo 25:5

A txi engeta a txi khene: “Ava ti va dinganako hagari kwanu, va na teke nzila yimweyo ni nani hi relela hi ya Khezareya; se ngako ku di ni wumwani mnandu ha mhakani ka mamowa, va ne ya mmangalela!”