Mithumo 25:23 - Bhiblia Yo Sawuleka

²³ Ngu mangwanani ka kona, Agripa ni Bhernike va to ta va di ambate sa wukoma wawe, ve tsula ha banza va di ni vathangeli va hombe va yimbi, ni madhota a hombe a didhoropa. Se Paulo e nehwa ngu kuruma ka Festo.

Mithumo 25:23 Referans Kwoze

Mithumo 26:30

Konaho mfumeli a to khukha kumweko ni mthangeli, ni Bhernike, ni va va nga ti khalahatshile kumweko navo.

Mithumo 25:13

Msana ka masiku okari, mfumeli Agripa ni Bhernike va to ta Khezareya ku ta losa Festo.

1 Johani 2:16

Nguko sotshe si si kuho ha ditikoni, kunavela ka mmidi, kunavela ka maso ni kutikulisa ngu tithomba, hi nga si si tsakelwako ngu Tate, aniko si tsakelwa ngu vathu va ha ditikoni.

1 Pedro 1:24

Nguko, m'thu wuhi ni wuhi a fana ni mwasi, kupfaliswa kwakwe kotshe, kufana ni txiluva txa mwasi, mwasi wa oma, se txiluva txi mora,

Jakobe 1:11

Nguko, neti ditambo di txi huma ni kuhisa ka dona, di omisa mwasi, se siluva sa wona si txi mora, kutshura ka wona ka mwalala; ngu tona ti a gwitisako tona nyatithombe ni mabhindu akwe.

1 Vakorinto 7:31

ani va va londolako sa mafu awa, va ne nga kha va si thumisi, nguko mazumbelo a ditiko diya ma guma.

Mithumo 12:21

Se ngu ditshiku di di nga sawulwa, Herodha a to ambala dibhaji da wukoma, e khalahatsha ha txikhaloni kwakwe ka wukoma, e womba-womba navo.

Mithumo 9:15

Kambe Mkoma a ti khene kwakwe: “Tsula, nguko awuwa, ngu txona txiya txi ni nga ti sawulela txona, kasiku hokisa ditina dangu ka vamatiko, ni ka mfumeli, ni ka vanana va Israyeli.

Dhaniyeli 4:30

mfumeli a to wotisa, a txi khene: Ina hi nga ene Bhabhilona wa hombe wu ni nga muaka kasi kumaha nyumba ya wukoma, ngu mtamo wa mfumo wangu, ni wudhumo wa wuhombe wangu kani?

Ezekhiyele 33:28

Se ni na maha ti taku ditiko di maha dirumbi, ni txixamaliso, kambe wu na hunguleka mtamo wa kutikulisa kwakwe; mimango ya ka Israyeli yi na maha marumbi do gwita, aha ko ni wammweyo kha na mbi pinda ngu ka yona.

Ezekhiyele 32:12

Ni na wisa dibutho ngu matxhari a tindena, i ku vale va tshofu ngutu va matiko; kambe vona va na khundumusa kutikulisa ka Egipta, se dotshe dibutho di na mwalala.

Ezekhiyele 30:18

Aniya Tafinesi ditshiku di na phuma, mbimo yi ni no funyeletela makange a Egipta, me guma matshanza a mtamo wakwe; direfu dokari di na fenengeta Egipta, se vanana vakwe vamahorana va na va wukhumbini.

Ezekhiyele 7:24

Se ni na tisa vathu va tshofu ngutu ngu ka mamwani matiko, va nata honyola tinyumba tawe; kambe ni na heta kutiguleta ka vale va mtamo, ni makhalo awe o sawuleka ma na nyenyeziswa.

Isaya 14:11

Kutikulisa kwako ku wisilwe ka diphala do hokoma, kumweko ni diguwa da timbila tako, se timbungu ti na maha ditaho ni txifenegelo txako.

Isaya 5:14

Ngu toneto, dithitha di engetete kunavela ka dona, di asamile txisofu txa dona kupinda mpimo, wudhumo wawe ni vathu vawe, ni kubomba kwawe, ni votshe vale va tsakako va na ngirimela ka dona.

Ekleziyaste 1:2

Wukanganyisi wa wukanganyisi! Kuwomba m'gondisi, wukanganyisi wa wukanganyisi! Sotshe mbukanganyisi.

Esteri 1:4

kasi ku ta va komba tithomba ta wudhumo wa mfumo wakwe, ni kuphatima ka lisima la wuhombe wakwe, ngu masiku amangi, i ku 180 wa masiku.

Marku 6:21

Kambe di to hoka ditshiku da dinene, ahawa Herodha a nga mahela tinganakana takwe ni tinduna ta yimbi, ni va hombe va Galileya, m'buso wa kualakanya ditshiku da kuvelekwa kwakwe.