Mithumo 25:11 - Bhiblia Yo Sawuleka

¹¹ Ngako hakunene ni di mahile to biha, ngako ni di mahile txionho txi txi dinganako ku ni dawa, kha ni lambi kufa. Aniko, ngako ku si nga ni ditshuri ka minandu yi va ni mangalelako ngu yona, awalo m'thu wu a sikotako ku ni ningela manzani kwawe. Ni kombela kulamulwa ngu Khezari.”

Mithumo 25:11 Referans Kwoze

Mithumo 28:19

Kambe ngako Vajudha va nga lamba, ni zile ni kombela kuyisa mhaka yangu ka Khezari, i si nga kulava kumangalela ditiko dathu ngu txilo.

Mithumo 26:32

Se Agripa a txi khene ka Festo: “M'thu wuwa a ndi na thuswa, idiku a sa kombela kulamulwa ngu Khezari.”

Mithumo 25:25

I di ani, kha na mana mnandu wo dingana ku e dawa; aniko ngako ene apune a nga ti veka manzani ka mfumeli wa hombe, ni woni ti to a na rumelwe kwakwe.

Mithumo 25:21

Kambe Paulo a kombete kuveka mhaka yakwe mtamoni ka mfumeli wa hombe; ngu konaho ni rumete ku e woneletwa a di mkorani, kala ditshiku da kumurumela ka Khezari.”

1 Vatesalonika 2:15

Ngu vona kambe va nga daya Mkoma Jesu ni vaprofeti, ve xanisa ni nathu, vona va si tsakisiko Txizimu, nguko i valala va votshe vathu.

Mithumo 25:10

Aniko Paulo a ti khene: “Ani ni emile masoni ka dibanza da kulamula da Khezari, ahawa ni fanelako kulamulelwa kona. Txi walo txionho ni nga txi maha ka Vajudha, ngako nawe u ti zivako kha kwati.

Mithumo 22:25

Se mbimo yile va nga ti ti msunga ngu titxhini, Paulo a to gela mthangeli wa dizana, a nga ti ti kona hale, a txi khene: “Ina ma tumelwa kukwapela txivelekwa txa mroma, awu ni kuabaniswa a nga mbi nga abaniswa, kani?”

Mithumo 18:14

Paulo, a di ngadi a txi lava kutula txisofu, Galiyo a to gela Vajudha, a txi khene: “Anu Vajudha, ngako i di mahungu a mhaka ya kugombonyeka mi wombako ona mwendo ya wubihi wumwani, ni ndi na amukela kumangala kwanu;

Mithumo 16:37

Kambe Paulo a to khene kwakwe: “Va hi pekile masoni ka vathu hi sinzi kuthethiswa, na athu hi di Varoma, ve hi vinza mkorani. Se konkuwa va lava ku hi humisa ti si ziwi ngu m'thu kani? Lambi! Va nate vona ngu wutumbu wawe, va ta hi humisa hahanze.”

Jobe 31:21

mwendo ngu dianza dangu ni pekile wo felwa ngu vaveleki, ngu kuwona wa ku ni lwela ha txikeni,

1 Samuwele 27:1

Kambe Dhavhidha a to khene mbiluni kwakwe: Dimwani ditshiku ni na dawa ngu Sawule; kha ku nata tshuko kwangu kupinda ku ni huluka ni kuluveta ni tsula ditikoni ka Vafilista; kasiku Sawule a txi leka ku ni xota ka yotshe mihingano ya Israyeli; ngu kumaha keto ni na huluka ka dianza dakwe.

Joxuwa 22:22

Txizimu txa sizimu, Mkoma, Txizimu txa sizimu, Mkoma, Ene wa tiziva, ni Israyeli nene a fanete ku tiziva; ngu didhawa dathu ngako hi di mahile wuhurupha mwendo kueyisa Mkoma wathu, ene a na leke ku hi hulukisa ka ditshiku da nyamsi,

Jeremiya 37:18

Sekoko Jeremiya a to wotisa ka mfumeli Zedhekiya, a txi khene: Kasi ni to kuonhela txani, ni sithumi sako, ni vathu vava, miza mi txi ni khotela kani?

Mithumo 25:12

Sekoko Festo, ngako a di sutile mhaka yiya ni madhota a dibanza, a to xamula, a txi khene: “U kombete kulamulwa ngu Khezari, u na tsula kwakwe Khezari.”