Mithumo 25:10 - Bhiblia Yo Sawuleka

¹⁰ Aniko Paulo a ti khene: “Ani ni emile masoni ka dibanza da kulamula da Khezari, ahawa ni fanelako kulamulelwa kona. Txi walo txionho ni nga txi maha ka Vajudha, ngako nawe u ti zivako kha kwati.

Mithumo 25:10 Referans Kwoze

2 Vakorinto 4:2

Athu hi lekile matsimbilelo o sisala ni a tingana, se kha hi tsimbili ngu marindi, kambe kha hi timeti dipswi da Txizimu; aniko ngu kuhumisa ditshuri ha kubasani, hi txi khutala ngu kuva hi maneka hi di thembekile masoni ka livhalo la votshe vathu ni masoni ka Txizimu.

Mithumo 28:18

Vona, ngako va di ni wotisile, va to lava ku ni thusa, nguko ku ti si nga ni mnandu wo dingana ku ni dawa.

Mithumo 26:31

Ngako va di humile, va to bhula va txi kha vona: “M'thu wuwa kha maha txilo txi txi fanelwako ngu lifo hambi titxhini.”

Mithumo 25:25

I di ani, kha na mana mnandu wo dingana ku e dawa; aniko ngako ene apune a nga ti veka manzani ka mfumeli wa hombe, ni woni ti to a na rumelwe kwakwe.

Matewu 27:18

Nguko a tiziva ti to va mu ningete ngu livengo.

Mithumo 25:17

Vona, ngako va di hokile votshe ahawa, ani kha na swela: Mangwanani ka kona ni to ya khalahatsha ha txikhaloni ka kulamula, ni rumela ku e nehwa m'thu wuwa.

Mithumo 25:6

Ku ti ngako a di zumbile navo masiku awa ma si pindiko mtxhanu ni mararu, mwendo digumi, Festo a to kwitima eya Khezareya. Mangwanani ka kona, a to khalahatsha ha txikhaloni ka kulamula, e rumela kudhana Paulo.

Mithumo 23:29

Konaho ni mani ti to va mu mangalela ngu mhaka ya mlayo wawe, kambe ku ti si nga ni mnandu wu wu fanelwako ngu lifo mwendo kukhotelwa.

Matewu 27:19

Na ene a di khalahatshile ha txikhaloni ka kulamula, msikati wakwe a to rumela kuya mu gela tiya: “U nga thuke u txi ti wuleta ka mhaka ya m'thu wuwa wo lulama, nguko ni pandisekile ngutu hamnova ngu miloro ngu mhaka yakwe.”