Mithumo 24:24 - Bhiblia Yo Sawuleka

²⁴ Ngako ku di pindile masiku okari, Felikisi a to ta, a di ni Drusila, msikati wakwe, wa Mujudha. A to dhana Paulo, e ta mu engisa a txi womba-womba ngu likholo ka Kristu.

Mithumo 24:24 Referans Kwoze

Mithumo 20:21

Kufakaza kwangu i ti ka kulaya Vajudha ni Vagriki, kasiku ve hunduluka ve kholwa ka Txizimu, ni ka Mkoma wathu Jesu Kristu.”

Vagalatiya 2:16

Ha tiziva ti to m'thu kha sikoti kumana wululami ngu mhaka ya mithumo ya Mlayo, aniko a mana wululami ngu mtamo wa likholo dwe ka Jesu Kristu; nanathu hi khotwe ka Jesu Kristu, kasiku hi mana wululami ngu likholo ka Kristu, i si nga ngu mithumo ya Mlayo; nguko ni wammweyo kha na mbi mana wululami ngu mhaka ya mithumo ya Mlayo.

Mtuletelo 14:12

Atiya ngu tona ti tsanisako kuhonisela ka vasawuleki, ava va veketako sirumo sa Txizimu ni likholo la Jesu.

Judha 1:3

Vorandeka, ni di ngadi ni txi xuva ku mi bhalela madingano ni kuhanyiswa kuwa i ku ka hotshethu, ni ti woni ti di ni fanelo ku mi bhalela, ni mi laya, ti to mi lwela likholo li Txizimu txi nga ninga vasawuleki va txona kumweko dwe.

1 Johani 5:1

Wuhi ni wuhi a kholwako ti to Jesu i Mesiya, a velekilwe ngu Txizimu; se awule a randako m'veleki, wa m'randa kambe awule a nga velekwa ngu ngene.

Vagalatiya 3:2

Hi ngani ni gela mhaka yiya: Mi amukete Moya ngu mhaka ya kuvekisa Mlayo mwendo ngu mhaka ya kuamukela mahungu a likholo, kani?

Vagalatiya 2:20

Ngu toneto, hi nga ngadi ani ni hanyako, aniko i Kristu a hanyako kwangu. Konkuwa, ni txi hanya wutomi wa mmidi, ni hanya ngu kukholwa ka Mwanana wa Txizimu, awu a nga ni randa, a txi ti ningela ngu ngani.

Mithumo 26:22

Kambe, ngu kuvhunwa ngu Txizimu, ni tsanisete kala ditshiku da nyamsi, ni txi fakaza ka va vavadotho ni ka va va hombe; kha na womba timwani hahanze ka tiya Mosi ni Vaprofeti va nga womba ku ti na humelela,

Mithumo 16:31

Vona va txi kha vona: “Kholwa ka Mkoma Jesu Kristu, se u na huluswa awe ni va mwaya wako.”

Luka 23:8

Mbimo yi a nga wona Jesu, Herodha a to tsaka ngutu, nguko i ti kale, a txi vilela ku mu wona, ngu mhaka ya tiya a nga txi tiengisa va txi womba-womba ngu ngene, a txi rinzela ti to mwendo Ene a nga thuka a txi maha txixamaliso txokari masoni kwakwe.

Luka 19:3

a to humelela a txi lava kuwona Jesu, kasi ku m'ziva ti to i m'thu wo txani. Aniko asi sikoti ku mu wona, ngu mhaka ya kutsivelwa ngu vathu, nguko ene i ti wo koma.

Marku 6:20

Nguko Herodha a ti thava Johani, ngu kuziva ti to ene i m'thu wo lulama ni wo sawuleka, kambe a ti ti mu vhikela. Mbimo yi a nga txi mu engisa, a ti thelwa mphume, aniko a ti mu engisa ngu kutsaka.

Mithumo 24:25

Kota ngako a nga txi womba ngu ta kululama ni ta kutiñola, ni ta kulamulwa ku kutako, Felikisi a to dhuka, se a txi khene: “Tsula; ni na kudhana ngu yimwani mbimo.”