Mithumo 24:22 - Bhiblia Yo Sawuleka

²² Sekoko Felikisi, ngako a di yi mani kha kwati mhaka ya Nzila yileya, a to vhala dibanza, a txi khene: “Ngako mthangeli wa hombe Lisiya a di relete a txi ta kheno, ngu kona ni nota wila mhaka yanu.”

Mithumo 24:22 Referans Kwoze

Mithumo 26:3

nguko awe wa ma zivisisa otshe mahanyelo a txijudha ni totshe timhaka ti va kanetisanako ngu txona. Ngu konaho, na ku kombela u txi ni engisa kha kwati.

Mithumo 25:26

Ngako ni nga mbi mana mhaka yo tsana ya kubhalela mfumeli, ani ni mu veka masoni kwanu, ngutu-ngutu kwako, mfumeli Agripa, kasiku, msana ka kuva yi di wotisisilwe mhaka yakwe, ni sikota kuziva ati ni no bhala txona ngu ngene.

Mithumo 24:24

Ngako ku di pindile masiku okari, Felikisi a to ta, a di ni Drusila, msikati wakwe, wa Mujudha. A to dhana Paulo, e ta mu engisa a txi womba-womba ngu likholo ka Kristu.

Mithumo 24:14

Ditshuri di ni di zivako ngu diya: Ani ni thumela Txizimu txa vatate vathu, madingano ni Nzila yi vona va ku kha vona njo timeta, kasi ani ni kholwa ka totshe ti ti nga bhalwa mu ka Mlayo ni Vaprofeti.

Mithumo 24:10

Paulo, ngako mfumeli a di mu kwesetile kasiku e womba-womba, a to xamula, a txi khene: “Ngu kuziva ti to u na ni malembe amangi na u txi fuma ngu kululama ditiko diya ni na ti angulela ngu kuthemba, ka mhaka yangu.

Mithumo 24:6

Kambe a duketile kunyenyezisa Dithepele, aniko hi mu ñote, se hi ti dhunda ku mu lamula ngu mlayo wathu.

Mithumo 18:20

Vona va to mkombela ku e engetela masiku a kuzumba navo, kambe kha tumela.

Dhewuteronome 19:18

Se valamuli va na xolisisa kha kwati mhaka; ngako fakazi i di ya makuhu, yi txi maneka yi di lumbetile muakelani wa yona,

Matewu 2:7

Sekoko Herodha, a di dhani phuho titxhari tile, a to ti wotisisa kwati mbimo yi nyeleti yi nga va humela ngu yona.

Mithumo 9:2

eya kombela kwakwe mapasi awa ma nga bhalelwa masinagoga a Dhamasku, ti to ngako a txi ya mana koneyo vathu va Nzila yiya, vavamna mwendo vavasikati, e va yisa Jerusalema, va di sungilwe.

Mithumo 19:40

Nguko hi nga maneka i di athu hi ku ni mnandu wa kuwusa dizunga ngu mhaka ya msengeletano wu wa nyamsi; kunene kha ku nga ni txigelo tximwani txi fanelako ku hi emela ngu mhaka ya msengeletano wuwa.”