Mithumo 24:17 - Bhiblia Yo Sawuleka

¹⁷ “Se msana ka malembe o tala, ni wuyisile miningelo ka va ka kwathu ni ku ta phaxa timhamba.

Mithumo 24:17 Referans Kwoze

Vagalatiya 2:10

Va to hi leleta dwe, ti to hi txi alakanya sisiwana; atiya ngu tona ti nani ni nga ti ti pandisekela ku ti maha.

2 Vakorinto 9:12

Nguko, msengo wuwa hi wu humisako hi nga wo vhuna sisiwana dwe. Aniko mbwo andisa kubongwa ka Txizimu.

2 Vakorinto 8:9

Ma wu ziva wunene wa Mkoma wathu Jesu Kristu. Ene hambiko i ku nyamne wa sotshe, a ti mahile txisiwana, kasiku anu mi txi mana sotshe ngu mhaka ya wusiwana wakwe.

Varoma 15:31

kasiku ni huluka manzani ka Vajudha va va si kholwiko, ni ti to txivhuno txiya ni txi yisako Jerusalema txi amukelwa ngu kutsaka ngu vasawuleki va Txizimu.

Mithumo 20:16

Nguko Paulo a ti pimisile kuvayilela Efesu, kasiku asi ya temeliswa Asiya. A ti ni txikuluveta txa kuya maneka Jerusalema, ngako ti txi koteka, ngu ditshiku da Pentekoste.

Mithumo 21:26

Sekoko ti di mahile eto, na di ti txite, Paulo a to teka vavamna vale e tsula navo, se msana ka kuva a di ti basisile navo, a to wulela Dithepeleni, aha a nga ya zivisa mbimo yi mmweyo ni mmweyo wawe a no ningela mhamba yakwe ngu yona, msana ka masiku a kubasiswa.

Mithumo 20:31

Ngu toneto, wonelelani, na mi txi alakanya tito, wusiku ni mitshikari, mndani ka malembe mararu, kha na leka ku mi laya ngu mirongo.”

Mithumo 24:26

Hahanze keto, ene a ti themba ti to Paulo a na mninga male; ngu konaho a nga ti wuyelela ku m'dhana a ta womba-womba nayo.

2 Vakorinto 8:6

Ngu toneto, hi kombete ka Titosi ti taku e hetisa hagari kwanu mthumo wuwa wa wunene, kota nga ku i ku ene a nga wu khata.