Mithumo 24:16 - Bhiblia Yo Sawuleka

¹⁶ Ngu konaho, yotshe mbimo ni khutalako kutsimbila ngu nzila yo lulama masoni ka Txizimu ni ka vathu.”

Mithumo 24:16 Referans Kwoze

Mithumo 23:1

Paulo a to ronokela va madhota, a txi khene: “Vanathu, ni hanyile ngu nzila yo lulama masoni ka Txizimu kala ditshiku da nyamsi.”

1 Timoti 1:5

Txivangelo txa txileleto txiya ngu lirando, li li humako ka mbilu yo basa, ka livhalo la linene ni ka likholo lo mbi na kukanganyisa.

2 Vakorinto 4:2

Athu hi lekile matsimbilelo o sisala ni a tingana, se kha hi tsimbili ngu marindi, kambe kha hi timeti dipswi da Txizimu; aniko ngu kuhumisa ditshuri ha kubasani, hi txi khutala ngu kuva hi maneka hi di thembekile masoni ka livhalo la votshe vathu ni masoni ka Txizimu.

Vahebheru 10:22

Ngu toneto, ahi tshuketeleni hi di ni mbilu yo lulama, na hi di tate ngu likholo, hi di ni mbilu yi yi nga basiswa ka wotshe wubihi wa livhalo, ni mmidi wo kuwulwa ngu mati o basa.

Varoma 2:15

Va kombisa ti to mthumo wu wu lawako ngu mlayo wu bhatwe timbiluni kwawe; livhalo lawe ngu yona fakazi yawe; ni mapimo awe ma va kawuka mwendo ku va emela.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

1 Pedro 3:21

Mati awa, i ti txidinganiso txa txibhabhatiso, atxi konkuwa, se txi mi hanyisako, i si nga ngu kukuwulwa ka nzambwa ya mmidi, aniko ngu kuxolwa ka livhalo ngu Txizimu, ni kuwuka ka Jesu Kristu,

Titosi 1:15

Ka vava va nga basa timbilu, sotshe si basile, aniko ka vava va nga mbi basa, kuwalo txo basa: Mapimo ni livhalo lawe si onhekile.

1 Vakorinto 4:4

Mbiluni kwangu kha ni ti pfi mnandu wa txilo; aniko, hambi keto, kha ni wombi ti to ni mlulami: Awu a sikotako ku ni lamula ngu Mkoma.

1 Pedro 3:16

Mi fanete kumaha tiya ngu mbilu ya kululama, kasiku, hambi ka tile va wombako kubiha ngu nganu, ve thelwa tingana, avale va wombako kubiha ngu dihanyo danu ka Kristu.

1 Pedro 2:19

Nguko i kateko ngako m'thu a txi timisela sixaniso ngu mhaka ya Txizimu, hambi a txi xaniswa a si nga ni mnandu.

Vahebheru 13:18

Hi kombeleleni, nguko ha themba ti to hi ni livhalo la linene, na hi txi navela ngu yotshe mbilu kutsimbila ngu nzila ya yinene yotshe mbimo.

Vahebheru 9:14

ngutu-ngutu mnoha wa Kristu, awu a nga ti ningela apune, na a si nga ni txionho, ngu Moya wo Sawuleka, ka Txizimu txi txi hanyako, ngu wona wu ku ni mtamo wa kubasisa timbilu tathu ka mithumo ya lifo, ti to hi sikota kuthumela Txizimu txa kuhanya.

2 Timoti 1:3

Na bonga ka Txizimu, atxi ni txi thumelako ngu livhalo lo basa kufana ni tiya va nga mahisa tona vatate vangu, na ni si leki ku kualakanya mikombeloni kwangu, wusiku ni mitshikari.

1 Vatesalonika 2:10

Anu mi tifakazi tathu, ni Txizimu ni txona, ka ti to mahanyelo athu ni nanu mi kholwako i ti mahanyelo o sawuleka, o lulama, ni o mbina txisolo.

1 Timoti 3:9

ve veketa msisalo wa likholo ngu livhalo lo basa.

1 Timoti 1:19

na u di ni likholo ni livhalo la linene, nguko vamwani, ngu kunyenya livhalo la linene, likholo lawe li onhekile.

Varoma 9:1

Ani ni womba ditshuri masoni ka Kristu, kha ni hembi, livhalo langu la ni fakazela, na li txi woningwa ngu Moya wo Sawuleka.

1 Vakorinto 10:32

Mi nga maheni txionho txo humba Vajudha, mwendo Vagriki, mwendo va Dibanza da Txizimu.