Mithumo 23:33 - Bhiblia Yo Sawuleka

³³ Ngako va di hokile Khezareya, vagadhi va mahantxhi va to ningela dipapilo ka mfumeli, ve humisa ni Paulo masoni kwakwe.

Mithumo 23:33 Referans Kwoze

Mithumo 28:16

Mbimo yi hi nga wulela Roma, Paulo a to tumelelwa kuzumba ka nyumba ya ekha, kumweko ni disotxhwa di di nga ti mu woneleta.

Mithumo 23:26

“Klawudhiyo Lisiya, kwako mfumeli wa hombe Felikisi, xewe!”

Mithumo 8:40

Kambe Filipi a to maneka a di Azoto; se e tsimbila e gondisa Evhangeli ka otshe madhoropa, kala eya hoka Khezareya.

Mithumo 24:1

Ngako ku di pindile mtxhanu wa masiku a to relela mphaxeli wa hombe Ananiya kumweko ni madhota okari, ni muemeli wu a dhanwako ku i Tertulo; se veya ka mfumeli kuya mangala Paulo;

Mithumo 24:3

Mkoma Felikisi, hani ni hani, ni yotshe mbimo, athu ha amukela ngu litsako la hombe mathomo awa.

Mithumo 25:14

Ngako va di zumbile masiku amangi, Festo a to gela mfumeli timhaka ta Paulo, a txi khene: “Ahawa ku ni m'thu wu Felikisi a nga mu siya a di sungilwe.