Mithumo 23:29 - Bhiblia Yo Sawuleka

²⁹ Konaho ni mani ti to va mu mangalela ngu mhaka ya mlayo wawe, kambe ku ti si nga ni mnandu wu wu fanelwako ngu lifo mwendo kukhotelwa.

Mithumo 23:29 Referans Kwoze

Mithumo 26:31

Ngako va di humile, va to bhula va txi kha vona: “M'thu wuwa kha maha txilo txi txi fanelwako ngu lifo hambi titxhini.”

Mithumo 25:25

I di ani, kha na mana mnandu wo dingana ku e dawa; aniko ngako ene apune a nga ti veka manzani ka mfumeli wa hombe, ni woni ti to a na rumelwe kwakwe.

Mithumo 18:15

kambe ngako i ku kukanetisana ngu mhaka ya mapswi ni matina ni Mlayo wanu, thethisanani mipune, nguko ani kha ni lavi ku ti maha muabanisi wa timhaka to ngeto.”

Mithumo 28:18

Vona, ngako va di ni wotisile, va to lava ku ni thusa, nguko ku ti si nga ni mnandu wo dingana ku ni dawa.

Mithumo 25:11

Ngako hakunene ni di mahile to biha, ngako ni di mahile txionho txi txi dinganako ku ni dawa, kha ni lambi kufa. Aniko, ngako ku si nga ni ditshuri ka minandu yi va ni mangalelako ngu yona, awalo m'thu wu a sikotako ku ni ningela manzani kwawe. Ni kombela kulamulwa ngu Khezari.”

Dhewuteronome 21:22

Ngako m'thu wokari a di mahile txionho txi a fanelako kudawa ngu txona, e dawa a txi hayekwa mndongani kokari,

Jeremiya 26:16

Sekoko tinduna ni vathu votshe va to kha vona ka vaphaxeli ni ka vaprofeti: Awuwa m'thu kha faneli kufa, nguko a txhumayela kwathu ngu ditina da Mkoma, Txizimu txathu.