Mithumo 23:23 - Bhiblia Yo Sawuleka

²³ Se mthangeli wa hombe yi to dhana tinduna timbidi ta ma dizana, yi txi ti gela ku kha yona: “Longisani 200 a masotxhwa, mtxhanu wa magumi ni magumi mambidi a vagadhi va mahantxhi, ni 200 wa vavamna va malaho, kasi kuve tsula Khezareya ngu txikhati txa wuraru txa wusiku.

Mithumo 23:23 Referans Kwoze

Mithumo 23:33

Ngako va di hokile Khezareya, vagadhi va mahantxhi va to ningela dipapilo ka mfumeli, ve humisa ni Paulo masoni kwakwe.

Mithumo 8:40

Kambe Filipi a to maneka a di Azoto; se e tsimbila e gondisa Evhangeli ka otshe madhoropa, kala eya hoka Khezareya.

Luka 12:38

Ngako a txi tshumela a txi ta ka txikhati txa wumbidi txa kuwonelela, mwendo txa wuraru, a ta va manisa toneto, va katekile.

Matewu 14:25

Ngu txikhati txa wumune txa kupilela, Jesu a to va yela, na a txi tsimbila ngu txitimwi ka mati.

Mithumo 23:22

Sekoko mthangeli wa hombe a to mtshumeta mfana wuwa, e mlaya a txi khene: “U nga thuke u gela m'thu ti to u ni zivisile mhaka yiya.”

Mithumo 23:32

Mangwanani ka kona, masotxhwa ma to siya Paulo ni vagadhi va mahantxhi, kasiku ve tsula nayo; se ona me tshumelela khokholani.

Mithumo 23:31

Masotxhwa, ngu kulondeta ti ma nga rumiswa tona, ma to teka Paulo, me mu heleketa ka Antipateri ni wusiku.

Mithumo 24:7

Kambe Lisiya, mthangeli wa hombe, a humelete e hi honyola manzani kwathu ngu nyala ya hombe,