Mithumo 23:20 - Bhiblia Yo Sawuleka

²⁰ Ene a txi khene: “Vajudha va sungile txikungo txa ku kha vona va na ku kombela ti to u rumela Paulo banzani mangwana, vona va na nga vo lava ku mu wotisisa mhaka yakwe.

Mithumo 23:20 Referans Kwoze

Mithumo 23:1

Paulo a to ronokela va madhota, a txi khene: “Vanathu, ni hanyile ngu nzila yo lulama masoni ka Txizimu kala ditshiku da nyamsi.”

Masalmo 12:2

Mmwani a womba makuhu ka mmwani; va womba-womba ngu kukanganyisa, ni timbilu timbidi.

Mithumo 22:30

Mangwanani ka kona, ngu kulava kuziva ta tinene mhaka yi Vajudha va nga ti mu mangalela ngu yona, a to mu thukunyula e ramba vaphaxeli va hombe ni dotshe dibanza; se a to neha Paulo, e mu emisa masoni kwawe.

Mithumo 23:6

Kambe Paulo, ngako a nga ti tiziva ti to vamwani hagari kwawe i ti Vasadhusi, vamwani i ti Vafarisi, a to guleta dipswi masoni ka madhota, a txi khene: “Vanathu, ani ni mfarisi, mwanana wa Vafarisi, ni lamulwa ngu mhaka ya kuthemba kwathu ka kuwuka ka vafi.”

Mithumo 23:19

Mthangeli a to mñola ngu diwoko, eya nayo phuho, eya mu wotisa, a txi khene: “I mhaka muni u lavako ku ni gela kani?”

Mithumo 23:30

Se ngako ni di getwe timhaka ta txikungo txa Vajudha txo lava ku m'daya, ni kuluvetile ku mrumela kwako; se ni gete vava va mu mangalelako, ti to ve womba masoni kwako ati va mu mangalelako tona.”