Mithumo 23:2 - Bhiblia Yo Sawuleka

² Aniko Ananiya, mphaxeli wa hombe, a to ruma va va nga ti emile hafuhi nayo ti to ve mu peka txisofu.

Mithumo 23:2 Referans Kwoze

Johani 18:22

Kambe, neti Jesu a nga gwita kuwomba tiya, mmweyo wa diphoyisa, a nga ti emile konaho a to mu yamasa ngu mpama, a txi khene: “Ngu toneto, u angulisako tona mphaxeli wa hombe kani?”

Mithumo 24:1

Ngako ku di pindile mtxhanu wa masiku a to relela mphaxeli wa hombe Ananiya kumweko ni madhota okari, ni muemeli wu a dhanwako ku i Tertulo; se veya ka mfumeli kuya mangala Paulo;

Mika 5:1

Konkuwa zumba ngu mabutho, awe dihorana da mabutho; nguko hi na randelwa; va na balisa txiletu txa mlamuli wa Israyeli ngu ndonga.

1 Vafumeli 22:24

Sekoko Zedhekiya, mwana Kenahani, a to ta e ta peka Mikaya aha ka litshaya a txi khene: Moya wa Mkoma wu pindile ngu hani ha kwangu, wu txi ta womba-womba kwako kani?

Matewu 26:67

Sekoko va to khata ku mu thurela khoheni, ve mpeka ngu sibhakela. Vamwani va txi mu haphata ngu mipama, va txi kha vona:

Jeremiya 20:2

Se a to peka mprofeti Jeremiya, a txi mkhotela ka wukhalo wu ku txikenini ka txitimwi ka Bhenjamini, amu Nyumbani ka Mkoma.

2 Makronika 18:23

Sekoko Zedhekiya, mwana Kenahana, a to tshuketa hafuhi ka Mikaya, e mthola mbaza, a txi khene: Moya wa Mkoma wu tsimbilisile kutxani wu pinda kwangu wuta womba-womba kwako kani?

Jobe 16:10

Va tula sisofu ve ni wukela; va ni kwiritile ve ni dayisa txiletu, se votshe vata ve ta ni randela.

Johani 18:23

Jesu a to mxamula, a txi khene: “Se ngako ni di sindilwe kuwomba, ni kombe womba wufakazi wa wubihi wangu; aniko ngako ni sa sindwa, u ni pekela txani kani?”