Mithumo 23:16 - Bhiblia Yo Sawuleka

¹⁶ Kambe mwanana wa ndiya ya Paulo, a to ma engisa malengo awa, se e tsula khokholani eya zivisa Paulo.

Mithumo 23:16 Referans Kwoze

Mithumo 23:10

Ngako dizunga di nga ti engeteleka, nduna yi to thava ku va nga nda phatulela Paulo, se yi rumela ku masotxhwa ma na kwitime mata mu honyola manzani kwawe, me mu tshumetela khokholani.

1 Vakorinto 3:19

Nguko wutxhari wa ha mafuni mbupumbu masoni ka Txizimu, kota nga ti ti nga bhalwa va txi kha vona: “Txona txa bzweta vazivi amu ka wutxhari wawe.”

Mithumo 23:32

Mangwanani ka kona, masotxhwa ma to siya Paulo ni vagadhi va mahantxhi, kasiku ve tsula nayo; se ona me tshumelela khokholani.

Mithumo 21:34

Kambe hagari ka dibutho m'thu ni m'thu a ti womba takwe. Mthangeli wa yimbi, ngako a txi tandeka kumana ditshuri hagari ka diguwa di di nga ti ho, yi to rumela ku Paulo a na heleketwe khokholani.

Sidilo 3:37

I mani wule a nga wombako ti txi maheka kani? Ngako i si nga Mkoma a wombako kani?

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Jobe 5:13

Txa bzweta titxhari ka wutxhari wa tona tipune; se e wiswa silayelo sa vo biha.

2 Samuwele 17:17

Jonatani ni Ayimahasi koko, va ti ti zumbile kumweko hafuhi ni txisima txa Rogeli, se txithumi txa txisikati txi to ya womba, se vona va to ya gela mfumeli Dhavhidha, nguko ti si laveki kuwonwa va txi wulela didhoropani.

Mithumo 21:37

Ngako va di mu betile khokholani, Paulo a to gela mthangeli wa yimbi, a txi khene: “Ni nga sikota ku kugela dipswi dimwedo kani?” Mthangeli a to mu wotisa, a txi khene: “Wa txi ziva Txigriki kani?

Mithumo 23:17

Paulo a to dhana mmweyo wa vathangeli va dizana, a txi mu gela ku khene: Heleketa mfana wuwa ka mthangeli wa hombe, nguko ana ni mhaka a lavako ku yi womba kwakwe.

Mithumo 24:23

Se ene a to leleta mthangeli wa dizana kasiku e woneleta Paulo, a txi mninganyana kupepa ni kuva ku si tsimbwi vathu ku ta mxola.

Mavingu 24:15

Awe m'bihi, u nga baramele m'ti wa m'thu wo lulama, hambi kuhanda nyumbani kwakwe.