Mithumo 23:14 - Bhiblia Yo Sawuleka

¹⁴ Se va to ya ka vaphaxeli va hombe ni ka madhota, va txi ya kha vona kwawe: “Hi sungile txikungo, hi txi ti kurumeta ngu kuxambanya hi txi khathu kha hi na kudya txilo na hi sinzi kudaya Paulo.

Mithumo 23:14 Referans Kwoze

Mithumo 23:12

Ngako di di txite, Vajudha vokari va to sunga txikungo, va txi ti kurumeta ngu kuxambanya, va txi kha vona va na mbi dya ni kusela, va sinzi kudaya Paulo.

Jeremiya 8:12

Ina va ni tingana ngu kumaha manyala kani? Kha va na tingana, hambi kupima ti taku nji txani kuwiswa tingana! Ngu konaho, va na wa kumweko ni va vawako, kambe va na humbwa ka mbimo ya kutsayiswa kwawe, kuwomba Mkoma.

Mika 7:3

Manza awe ma ti ningetetela kumaha wubihi; maxonga ma wotisela, se mlamuli a tutumela hakhelo, ni wa hombe a womba-womba ngu kunavela ka mbilu yakwe, ngu kumaha keto, vona votshe mba khulumeteli.

Hoseya 4:9

Ngu toneto, nga ti vaku ngu tona vathu vangu, mphaxeli nene a nga toneto; ni na va tsayisa ngu mhaka ya mahanyelo awe, ni ku vaninga hakela ya mithumo yawe.

Isaya 3:9

Tikhohe tawe ta va kona; va andisa sionho sawe, kufana ni Sodhoma; kha va si baramisi. Dikhombo ka mihefemulo yawe! Nguko vo ti mahela kubiha vona vapune.

Jeremiya 6:15

Ina va pfite tingana ngako va di mahile manyala kani? Kota, kha va pfa tingana. Kambe kha va zivi ku wa tingana. Ngu konaho, va na wa kumweko ni vamwani; va na wa ngu mbimo yi ni va tsayisako, kuwomba Mkoma.

Mithumo 23:13

Ava va nga sunga txikungo txiya, va ti pinda mune wa magumi.

Mithumo 23:20

Ene a txi khene: “Vajudha va sungile txikungo txa ku kha vona va na ku kombela ti to u rumela Paulo banzani mangwana, vona va na nga vo lava ku mu wotisisa mhaka yakwe.

Mithumo 23:21

Aniko u nga tumele, nguko vavamna va va pindako mune wa magumi, va mu baramete, va xambanyile ngu kutsanisa, va txi kha vona kha va na kudya hambi kusela, na va sinzi ku m'daya; konkuwa va ti longisete, va verela kutumela kwako dwe.”