Mithumo 23:1 - Bhiblia Yo Sawuleka

¹ Paulo a to ronokela va madhota, a txi khene: “Vanathu, ni hanyile ngu nzila yo lulama masoni ka Txizimu kala ditshiku da nyamsi.”

Mithumo 23:1 Referans Kwoze

Mithumo 24:16

Ngu konaho, yotshe mbimo ni khutalako kutsimbila ngu nzila yo lulama masoni ka Txizimu ni ka vathu.”

2 Timoti 1:3

Na bonga ka Txizimu, atxi ni txi thumelako ngu livhalo lo basa kufana ni tiya va nga mahisa tona vatate vangu, na ni si leki ku kualakanya mikombeloni kwangu, wusiku ni mitshikari.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Vahebheru 13:18

Hi kombeleleni, nguko ha themba ti to hi ni livhalo la linene, na hi txi navela ngu yotshe mbilu kutsimbila ngu nzila ya yinene yotshe mbimo.

1 Vakorinto 4:4

Mbiluni kwangu kha ni ti pfi mnandu wa txilo; aniko, hambi keto, kha ni wombi ti to ni mlulami: Awu a sikotako ku ni lamula ngu Mkoma.

Mithumo 22:5

Mphaxeli wa hombe ni dotshe dibanza da madhota va sikota ku ni fakazela; se vona va ni ningile mapapilo awa va nga bhalela vanathu va Dhamasku. Se ani ni tsute koneyo kasi kuya va wuyisa Jerusalema va di sungilwe ngu tingomondo kufela ku ta tsayiselwa kheno.”

2 Vakorinto 4:2

Athu hi lekile matsimbilelo o sisala ni a tingana, se kha hi tsimbili ngu marindi, kambe kha hi timeti dipswi da Txizimu; aniko ngu kuhumisa ditshuri ha kubasani, hi txi khutala ngu kuva hi maneka hi di thembekile masoni ka livhalo la votshe vathu ni masoni ka Txizimu.

Mithumo 23:6

Kambe Paulo, ngako a nga ti tiziva ti to vamwani hagari kwawe i ti Vasadhusi, vamwani i ti Vafarisi, a to guleta dipswi masoni ka madhota, a txi khene: “Vanathu, ani ni mfarisi, mwanana wa Vafarisi, ni lamulwa ngu mhaka ya kuthemba kwathu ka kuwuka ka vafi.”

Mavingu 28:1

Vaonhi va thava na va sa tutumiswa ngu m'thu; aniko ni wihi wo lulama, a thembekile kufana ni txingonyamwana.

1 Pedro 3:16

Mi fanete kumaha tiya ngu mbilu ya kululama, kasiku, hambi ka tile va wombako kubiha ngu nganu, ve thelwa tingana, avale va wombako kubiha ngu dihanyo danu ka Kristu.

Mithumo 22:30

Mangwanani ka kona, ngu kulava kuziva ta tinene mhaka yi Vajudha va nga ti mu mangalela ngu yona, a to mu thukunyula e ramba vaphaxeli va hombe ni dotshe dibanza; se a to neha Paulo, e mu emisa masoni kwawe.

Mithumo 6:15

Sekoko votshe va va nga ti khate ha banzani ka wukoma va to mu ronokela ngu maso ve wona khohe yakwe yi txi fanana ni ya ngelozi.

Mithumo 22:1

“Vanathu ni vatate, konkuwa engisani ti ni lavako ku mi gela, kasiku ni txi ti fakazela.”

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Mithumo 23:15

Konkuwa, anu ni dibanza, zivisani mthangeli wa hombe kasiku yi m'rumela kwanu, mi na nga mo lava ku mu wotisisa kha kwati mhaka yakwe; athu hi nava hi di ti longisete ku m'daya na a sinzi kuhoka.”

Mithumo 23:20

Ene a txi khene: “Vajudha va sungile txikungo txa ku kha vona va na ku kombela ti to u rumela Paulo banzani mangwana, vona va na nga vo lava ku mu wotisisa mhaka yakwe.

Mithumo 23:28

Se ngu kuranda kuziva mhaka yi va mu mangelelako ngu yona, ni mu yisile banzani kwawe.