Mithumo 22:7 - Bhiblia Yo Sawuleka

⁷ Se ni to wa hahatshi, ni engisa dipswi di nga ni gela, di txi kha dona: ‘Sawule, Sawule, u ni xanisela txani kani?’

Mithumo 22:7 Referans Kwoze

Jeremiya 2:9

Ngu konaho, ni ngadi ni txi na lwa ni nanu, kuwomba Mkoma. Ni vatukulu vanu ni na lwa navo.

Matewu 25:45

Sekoko ene a na va angula a txi khene: ‘Kha ditshuri na mi gela ku khani: Yotshe mbimo yi mi nga leka ku ti maha tiya ka mmweyo wa vanathu vavadotho, ni nani kha ma ni mahela.’

1 Timoti 1:13

ani, kale ni nga ti mruketeli ni mxanisi ni m'thu wa tshofu. Aniko ni mani divalelo, nguko atileya ni ti mahile ngu kusisalelwa ni wuhedheni wangu.

Jeremiya 2:5

Mkoma a khene: Mbubihi muni va nga wu wona kwangu vatate vanu kani? Aku va dhawukanako ni nani kani? Va londetela sifananiso si si vhuniko txilo, ve maneka va si nyawuli.

1 Samuwele 3:10

Sekoko Mkoma a to ta ema, e dhana kufana ni simwani sikhati, a txi khene: Samuwele, Samuwele! Se Samuwele a to xamula, a txi khene: Womba-womba, nguko txithumi txako txa engisa.

Eksodha 3:4

Mkoma a woni ti to Mosi wa tenderuka kasiku eya wona. Se Txizimu txi to m'dhana txi txi kha txona: “Mosi! Mosi!” Ene a to khene: “Niho hawa.”

Genesisi 22:11

Aniko ngu nzumani yi to kwangula Ngelozi ya Mkoma yi txi kha yona: “Abrahamu! Abrahamu!” Ene a to orovela, a txi khene: “Ni ho hawa!”

Genesisi 22:1

Se msana keto timhaka, ku to maheka ti to Txizimu txi xola Abrahamu, txi m'gela tiya: “Abrahamu!” Ene a to orovela, a txi khene: “Niho hawa!”

Genesisi 16:8

ngelozi yi to womba ka Hagari, yi txi kha yona: “Hagari, txithumi txa Sarayi, u ta ngu hani, na u txi ya hani kani?” Ene a xamute, a txi khene: “No thava masoni ka nyamne wangu Sarayi.”

Genesisi 3:9

Se Mkoma Txizimu a to dhana Adhamu, a txi khene: “U hani kani?”

Matewu 27:23

Ene a tshumete kambe a txi khene: “Njionho muni a nga txi maha kani?” Aniko vona va to phikiza. Va txi kwangula ngu mtamo va txi kha vona: “A na bethelwe ha txihambanoni!”

Mithumo 9:4

Se a to wa hahatshi, e pfa dipswi di txi: “Sawule, Sawule, u ni xanisela txani?”

Mithumo 22:6

“Ku ti ngako ni di ngadi ha nzila, na ni txi tshuketela Dhamasku, kunukunuko, ngu mbimo ya hafuhi ni dhina, ni to ranganyetwa ngu kuphatima ka hombe.

Mithumo 22:8

Ani ni to angula, ni txi khani: ‘Ngawe mani, Mkoma kani?’ Konaho ene a to xamula a txi khene: ‘Ani ngani Jesu wa Nazareta, awuwa awe u mu xanisako.’