Mithumo 22:5 - Bhiblia Yo Sawuleka

⁵ Mphaxeli wa hombe ni dotshe dibanza da madhota va sikota ku ni fakazela; se vona va ni ningile mapapilo awa va nga bhalela vanathu va Dhamasku. Se ani ni tsute koneyo kasi kuya va wuyisa Jerusalema va di sungilwe ngu tingomondo kufela ku ta tsayiselwa kheno.”

Mithumo 22:5 Referans Kwoze

Luka 22:66

Mbimo yi di nga txa, di to sengeletana dibanza da madhota a ditiko, vaphaxeli va hombe ni vabhali, ava va nga mteka va txi mu yisa Wulamuleloni kwawe.

Mithumo 5:21

Ku ti ngako va di engisile toneto, va to wulela Dithepeleni ni mabimbi-kutxa, ve gondisa kona. Kambe mphaxeli wa hombe ni va va nga ti nayo, ngako va txi hoka, va to ramba dibanza ni madhota otshe a vanana va ka Israyeli, se ve rumela vathu mkorani kuya teka vapostoli,

1 Timoti 4:14

U nga sakane ngu txiningo txi u ku natxo, atxi u nga amukeliswa ditshiku diya vahombe va dibanza va nga womba mapswi a ku kuphaxa, ve kusanzeka manza.

Mithumo 28:21

Sekoko vona va mxamute, va txi kha vona: “Kha hi nzi kuwona mapapilo a kuta ngu Judheya, na ma txi womba kubiha ngu ngawe; hambi vanathu, kuwalo ni mmweyo a nga xawuta mwendo ku hi gela kubiha ngu ngawe.

Mithumo 26:12

“Ti di mahile eto, ni tsute Dhamasku, ni di ni mtamo wotshe wa kuningwa ngu vaphaxeli va hombe.

Mithumo 26:10

Kha ditshuri ni mahisile toneto Jerusalema, ni sekela mkorani vasawuleki votala, ngu mtamo wu ni nga ningwa ngu vaphaxeli va hombe; ni mbimo yi va nga ti ningelwa kuya dawa, nani ni ti tumela ku va na dawe.

Mithumo 22:1

“Vanathu ni vatate, konkuwa engisani ti ni lavako ku mi gela, kasiku ni txi ti fakazela.”

Mithumo 13:26

“Vanathu, vanana va liveleko la Abrahamu! Ni nanu vamwani mi thavako Txizimu! Dipswi diya da kuhanyisa di rumetwe kwathu.

Mithumo 9:14

Se ahawa a tile a di ningilwe mtamo ngu vaphaxeli va hombe, wo sungelela votshe va va dhumisako ditina dako.”

Mithumo 4:5

Ka ditshiku di di gametako, vafumeli va Vajudha ni madhota ni vabhali, va to sengeletana Jerusalema.

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

Mithumo 2:29

“Vanathu, ni nga tsanisa ni mi gela ti to nyampande Dhavhidha a fite e tshotshwa, se diyiva dakwe di maneka hagari kwathu ni kona nyamsi.

Mithumo 3:17

“Hambi keto, vanathu, na tiziva ti to mi mahile tiya ngu kusisalelwa, kufana ni vona vathangeli vanu.

Mithumo 23:1

Paulo a to ronokela va madhota, a txi khene: “Vanathu, ni hanyile ngu nzila yo lulama masoni ka Txizimu kala ditshiku da nyamsi.”

Mithumo 23:6

Kambe Paulo, ngako a nga ti tiziva ti to vamwani hagari kwawe i ti Vasadhusi, vamwani i ti Vafarisi, a to guleta dipswi masoni ka madhota, a txi khene: “Vanathu, ani ni mfarisi, mwanana wa Vafarisi, ni lamulwa ngu mhaka ya kuthemba kwathu ka kuwuka ka vafi.”

Mithumo 26:11

Sikhati sasingi, mbimo yi ni nga ti tsimbilatsimbila ka otshe masinagoga, ngu tshofu ni ti va kurumeta kuruketela Txizimu; se ngu kuhenya ko pindisa, ni ti va xanisa hambi madhoropani ka mamwani matiko.”

Mithumo 28:17

Msana ka masiku mararu, Paulo a to ramba va i ku vahombe hagari ka Vajudha. Ku ti ngako va di sengeletani, a ti khene kwawe: “Vanathu, hambiko ni nga mbi maha txilo txa kuhoxela ditiko dathu, hambi mikhuwo ya vatate vathu, ni ñotwe ni di Jerusalema, ni txi ningelwa manzani ka Varoma.

Vagalatiya 1:13

Kha ditshuri, mi ti engisile ati ni nga ti ti hanyisa tona kale, ta wujudha, ni tshofu yo pindisa, ya ti ni nga ti xanisisa tona Dibanza da Txizimu ni kulava ku di fuvisa.

Vafilipiya 3:6

ngu mu ka kukhutala, ni mxanisi wa Dibanza, ngu mu ka wululami wa Mlayo, ni maneka ni si nga ni mnandu.