Mithumo 22:3 - Bhiblia Yo Sawuleka

³ “Ani ni Mujudha. Ni velekelwa Tarso ka Kilikiya. Aniko ni kulete ka dona didhoropa diya, ni txi gondiswa ngu Gamaliyeli kuveketa ta tinene Mlayo wa vatate vathu, ni ti ni kukhutala ka hombe ngu timhaka ta Txizimu, nga tiya na nanu motshe mi mahako nyamsi.

Mithumo 22:3 Referans Kwoze

Mithumo 26:5

Vona va tiziva ngu kale, va nga fakaza ngako va txi ti lava, ani ni hanyile ngu mlayo wa wufarisi, awu i ku wa wunene ngutu ka wukholwa wathu.

Mithumo 9:11

Mkoma a txi khene kwakwe: “Khukha u tsula ka nzila yi yi dhanwako ku i ‘Nzila yo lulama’, u ya wotisa, nyumbani ka Judha, m'thu wu a dhanwako ku i Sawule wa Tarso; ene ndiyo wa khongela;

Mithumo 5:34

Kambe mfarisi wokari, awu va ku i Gamaliyeli, m'gondisi wa mlayo, awu kambe a dhumiswako ngu dotshe ditiko, a to khukha a txi ema hagari ka dibanza e rumela ku Vapostoli va na humiswe hahanze ngu mbimoanyana.

Mithumo 21:39

Aniko Paulo a to khene kwakwe: “Ani ni Mujudha, ni huma Tarso ka Kilikiya, ni velekelwa ka didhoropa di di ku ni nduma yo va i si nga ya yidotho. Na kombela u txi ni tumelela kuwombawomba ni va ditiko diya.”

Mithumo 21:20

Vona va ti dhumisa Txizimu ngu tile va nga ti tiengisa. Va txi gela Paulo, va txi kha vona: “Wa ti wona, mwanathu, ti to magumi a mazana a Vajudha va amukete likholo, hambiko votshe i ku vakhutaleli va Mlayo;

2 Vakorinto 11:22

Mbahebheru kani? Nanani ni ene. Vona mbaisrayeli kani? Nanani ni ene. Mba lixaka la Abrahamu kani? Nanani ni wa lona.

Luka 10:39

Ene a ti ni mwanawe, a nga ti dhanwa ku i Mariya, awu a nga khalahatsha hafuhi ni Jesu, atxi engisela mapswi akwe.

2 Vafumeli 4:38

Se Elixa a to tshumela eya Giligali, na ku di ni nzala kheyo; se vanana vavaprofeti va ti khalahatshile masoni kwakwe; a to khene ka dijaha dakwe: Releka khadi ya hombe ha txikho, u va bhikela matawa vanana vavaprofeti.

Dhewuteronome 33:3

Ene wa randa vathu vakwe, votshe vasawuleki vakwe va manzani kwakwe; vona va khizama mikondoni kwako, va txi engisela mapswi ako.

Varoma 11:1

Se na wotisa: Ina Txizimu txi nga va txi di tshotshile vathu va txona kani? Lambi! Nguko nani ni Muisrayeli, wa lixaka la ka Abrahamu, ka lihunzu la ka Bhenjamini.

Mithumo 23:6

Kambe Paulo, ngako a nga ti tiziva ti to vamwani hagari kwawe i ti Vasadhusi, vamwani i ti Vafarisi, a to guleta dipswi masoni ka madhota, a txi khene: “Vanathu, ani ni mfarisi, mwanana wa Vafarisi, ni lamulwa ngu mhaka ya kuthemba kwathu ka kuwuka ka vafi.”

Mithumo 6:9

Kambe vamwani va kuta ngu ka disinagoga di di dhanwako ku nda Vathuseki, ni vamwani va Kirene ni va Alexandriya kumweko ni vamwani va Kilikiya ni va Aziya, va to ema ve kanetisana ni Sitefani.

2 Samuwele 21:2

Sekoko mfumeli a to dhana Vagibheyoni e ta khene kwawe: (Vagibheyoni i si nga va vanana va ka Israyeli, kambe i ti miboti ya Vaamori; aniko vanana va ka Israyeli va ti va xambanyete, nguko Sawule a lavile ku va daya ngu kupandisekela, vanana va ka Israyeli, ni va ka Judha).

Vagalatiya 1:21

Msana ka toneto, ni to tsula ka maphambo a Siriya ni Kilikiya.

Vagalatiya 1:14

Amu ka txijudha ni ti va pala vavangi va tanga yangu, ni va lihunzu la ka kwathu, ditikoni kwathu, ngu kukhutalela ngutu milayo ya txikale ya vatate vathu.

Mithumo 23:34

Mkoma a to gonda dipapilo, se e wotisa ku Paulo mbwa txihi txifunda ditikoni ka Roma kani; ngako a di pfite ku mbwa Kilikiya, a to khene:

Mithumo 15:41

Se a txi pinda ngu ka matiko a Siriya ni Kilikiya, a txi tsanisa mabanza.

Mithumo 15:23

Se va to rumela ngu vona dipasi di va nga bhala ta ku kha vona: “Vapostoli ni madhota, i ku vananu, kwanu vanathu mi ku va lihunzu la vamatiko va va ku Antiyokiya, ni Siriya ni Kilikiya, ha mi losa!

Mithumo 11:25

Bharnabhasi a to tsula Tarso, a txi yela Sawule.

Mithumo 9:30

Se ngako va di ti engisile, vagondiswa kulowe, va to mu heleketa Khezareya, ahawa va nga ya mu pindisa ve m'rumela Tarso.

Luka 8:35

Se vathu va to huma veya wona ti ti nga humelela. Ku ti ngako va txi hoka ka Jesu, va to mana m'thu wuwa madhimoni ma nga huma kwakwe, a di khalahatshile minengeni ka Jesu, a di ambate, a di ni kupima ka kunene, se ve thava ngutu.

Luka 2:46

Msana ka masiku mararu, va to ya mu mana amu Dithepeleni, a di khalahatshile hagari ka vagondisi, na a txi va engisela ni ku va mahela siwotiso.

Mithumo 9:1

Kambe Sawule, ngukuva a di ngadi ni mahika a kubavela kudaya vagondiswa va Mkoma, a to tsula ka mphaxeli wa hombe,

Mithumo 26:9

“Nanani kale ni ti pimisile kulwa ngu totshe tinzila kasi kudaya ditina da Jesu wa Nazareta.