Mithumo 21:9 - Bhiblia Yo Sawuleka

⁹ Ene a ti ni mune wa vanana va sihoranana, ava va nga ti profeta.

Mithumo 21:9 Referans Kwoze

Mithumo 2:17

‘Ngu masiku a magwito, kha Txizimu, ni na thela txitimwi ka votshe vathu, Moya wangu; vanana vanu va mazambi ni vamahorana va na profeta, vavaphya vanu va na wona siwoniso; ni sikosana sanu si na lora miloro.

Mtuletelo 2:20

Aniko nina ni txisolo ni nawe, nguko wa leka Jezabheli, msikati wu a ti mahako mprofeti, awu a gondisako ni kutimeta vakhozeli vangu kuve ve maha wugango, ve dya tinyama ta timhamba ta sikwembu sa walo.

Luka 2:36

A ti ti ho kambe mprofeti wa wamsikati, a nga ti dhanwa ku i Ana, mwanana wa Fanueli, wa lihunzu la ka Aseri. A ti ti kumbile ngutu.

Joyeli 2:28

Se ku na maheka taku, ni tshakunuta Moya wangu txitimwi ka nyama yotshe, se vanana vanu va majaha ni vamahorana va na phorofeta, sikosana sanu si na va ni miloro, vavaphya vanu va na va ni siwoniso.

Eksodha 15:20

Sekoko Miriyamu, mprofeti wa txisikati, ndiyakwe Aroni, a to teka txingomana manzani kwakwe, ni vavasikati votshe va to mlondeta ni singomana, va txi veta ni kusinya.

Mithumo 13:1

Ka Dibanza da Antiyokiya ku ti ti ni vaprofeti vokari ni vagondisi: I ti Bharnabhasi ni Simiyoni, awu a dhanwako ku i Nigere, ni Lukiyo wa Kirene, ni Manaheni, awu a nga kula kumweko ni mfumeli Herodha, ni Sawule.

Nehemiya 6:14

Awe Txizimu txangu, alakanya Tobhiya ni Sambalati, madingano ni mithumo yiya, ni mprofeti wa txisikati Nowadhiya, ni vamwani vaprofeti, va nga ti lava ku ni dhukisela.

2 Vafumeli 22:14

Sekoko mphaxeli Hilikiya, ni Ahikamu, ni Akibhori, ni Safani, ni Asaya, va to tsula ka mprofeti wa txisikati Hulidha, msikati wa Salumi, mwana Tikivha, wa mwana Harasi, muwoneleli wa syambalo (a nga txi zumba ka didhawa da wumbidi da Jerusalema) veya mtxhamusela.

Valamuli 4:4

Se Dhebhora, mprofeti wa txisikati, kata Lapidhoti, i ti ti mlamuli wa ka Israyeli ka yona yile mbimo.

1 Vakorinto 7:38

Ngu toneto, awu a txhadhisako mwanana wakwe wa txihoranana a maha ta tinene. Kambe awu asi mtxhadhisiko, a maha ti i ku ta tinene ngu kupindisa.

Ezekhiyele 13:17

Se awe mwanana wa m'thu, rendekelisa khohe yako ka vanana vamahorana va vathu vako, va profetako to lavwa ngu timbilu tawe, profeta u va wukela,