Mithumo 21:8 - Bhiblia Yo Sawuleka

⁸ Mangwanani ka kona hi to pinda hi ya Khezareya. Se hi ti ya temela m'tini ka mvangeli Filipi, i nga ti mmweyo wa vale va mtxhanu ni vambidi.

Mithumo 21:8 Referans Kwoze

Mithumo 6:5

Txikungo txiya txi tsakisile dibutho, se konaho va to khedha Sitefani, i nga ti dikholwa da kutsana, na a di tate ngu Moya wo Sawuleka, ni Filipi, ni Prokoro ni Nikanori, ni Timoni ni Parmenasi ni Nikolawu, mlondeteli wa kuta ngu Antiyokiya.

Vaefesu 4:11

Se ene ngene a nga ninga vamwani mthumo wa wupostoli, vamwani mthumo wa wuprofeti, vamwani mthumo wa wuvhangeli, vamwani mthumo wa wudyisi ni wugondisi,

2 Timoti 4:5

Aniko, awe, zumba u di tsani yotshe mbimo, timisela amu ka sixaniso, ti ningetele ka mthumo wa Evhangeli, hetisa mthumo wako.

Mithumo 28:16

Mbimo yi hi nga wulela Roma, Paulo a to tumelelwa kuzumba ka nyumba ya ekha, kumweko ni disotxhwa di di nga ti mu woneleta.

Mithumo 16:13

Ngu ditshiku da Sabbata, hi to huma ngu didhoropani hi ya mnamboni, ahawa hi nga pimisa ti to ku nga va ni wukhalo wo khongela kona. Ngako hi di khalahatshile, hi to womba-womba ni vavasikati, va nga ti sengeletani konaho.

Mithumo 16:10

Msana ka txiwoniso txiya a nga txi wona Paulo, konako hi to ti longisela kasi kuya Makedhoniya, ngu kuziva ti to Mkoma a ti hi dhana kuya txhumayela kona Evhangeli.

Mithumo 9:30

Se ngako va di ti engisile, vagondiswa kulowe, va to mu heleketa Khezareya, ahawa va nga ya mu pindisa ve m'rumela Tarso.

Mithumo 28:11

Msana ka mitxima yiraru, hi to tsula ngu txitimela, txi nga ti kona txitondoloni mule, ngu mbimo ya wuxika. I ti txa kuta ngu Alexandriya. Txi ti ni m'jeke wa “Sizimu sa Mahasa.”

Mithumo 27:1

Ku ti ngako ku di sungilwe ti to hi tsula Italiya ngu txitimela, Paulo ni vamwani va nga ti sungilwe kumweko nayo, va to ningelwa ka mthangeli wa dizana, a dhanwako ku i Juliyo, ya “Nyumbani ka mfumeli wa hombe”

Mithumo 23:23

Se mthangeli wa hombe yi to dhana tinduna timbidi ta ma dizana, yi txi ti gela ku kha yona: “Longisani 200 a masotxhwa, mtxhanu wa magumi ni magumi mambidi a vagadhi va mahantxhi, ni 200 wa vavamna va malaho, kasi kuve tsula Khezareya ngu txikhati txa wuraru txa wusiku.

Mithumo 20:13

Se athu hi to longoloka ngu mati, hi tsimbila ngu txitimela, kala Asosi, ahawa hi nga tshumela hi mana Paulo, awu a nga ti fanete kutsula koneyo, na a txi tsimbila ngu nzila ya hahanze, nga ti ene a nga ti ti lavisile tona.

Mithumo 20:6

Athu hi to khukha Filipiya hi tsimbila ngu txitimela, msana ka masiku a mapawu o mbi tshumbelwa; se hi ya va mana Trowasi, msana ka mtxhanu wa masiku ni mambidi.

Mithumo 18:22

Ku ti ngako a di hokile Khezareya, a to kwela eya losana ni dibanza da makholwa, ngu msana e kwitima eya Antiyokiya.

Mithumo 16:16

Ka dimwani ditshiku, ngako hi txi ya kukhongelani, hi to manana ni muhorana wa khumbi, awu a nga ti ni moya wa kuhuta. A ti ninga dibhindu da hombe vanyamne vakwe ngu mhaka ya kona kuhuta.

Mithumo 10:1

A ti ti ho didhoropani ka Khezareya m'thu wu a nga ti dhanwa ku i Korneliyo, awu i nga ti mthangeli wa dizana, ka txikwata txi txi dhanwako ku i “Italiya.”

Mithumo 21:16

Va hi heleketile vagondiswa vokari va Khezareya, va txi hi yisa m'tini ka mthuyo a dhanwako ku i Menasoni, wa Kipra, mmweyo wa vagondiswa vo thanga, ahawa hi nga ti fanela kuamukelwa hi zumba kona.