Mithumo 21:40 - Bhiblia Yo Sawuleka

⁴⁰ Ngako a di tumeletwe, Paulo, a di emile txitimwi ka dinera, a to malata vathu ngu diwoko. Vona ve malala ku txi katila. Se ene a txi va txhumayela, a txi khene:

Mithumo 21:40 Referans Kwoze

Mithumo 12:17

Kambe ene a to maha txikombiso ngu diwoko, kasiku ve malala; msana keto, a to va txhamusela ati Mkoma a nga m'humisisa tona ngu mkorani, e engeta, a txi khene: “Zivisani Jakobe ni vanathu timhaketo.” Se a to huma e tsula ka wumwani wukhalo.

Mithumo 26:14

Konaho, hi to wela hahatshi hotshethu; se ani ni to engisa dipswi di txi womba-womba ngu Txihebheru, di txi kha dona: ‘Sawule, Sawule, u ni xanisela txani kani? Ta pandisa kwako kukhava tshoka ya mndombo.’

Mithumo 22:2

Ngako va nga mu engisa a txi womba-womba ngu Txihebheru, va to malala votshe va txi katila. Ene a to ya masoni ngu kuwombawomba, a txi khene:

Johani 5:2

Aniya Jerusalema ku ti ni diziva do sambela ka dona, hafuhi ni Txike txa Tinvuta, adiya di dhanwako ngu Txihebheru ku i Bhetesdha. Diziva diya di ti ni mtxhanu wa sike.

Mithumo 21:35

Mbimo yi a nga hoka ha dinerani, a to mahwa ngu kugulwa ngu masotxhwa, ngu kukarala ngu kusukwa ngu dibutho.

Mithumo 19:33

Sekoko va to humisa Alexandre ngu hagari ka dibutho, awu a nga ti gondisilwe ngu kale, a txi susumetelwa masoni ngu Vajudha. Alexandre a to guleta diwoko na a txi kombisa ti to a lava kutxhamusela mhaka ka dibutho.

Mtuletelo 16:16

Yona mimoya yi to va tshanganisa ka wukhalo wu, ngu Txihebheru wu dhanwako ku “Armagedhoni.”

Mtuletelo 9:11

Humbiyo yi ti fumwa ngu ngelozi ya diphala do hokoma, ditina da yona yi dhanwako ku i “Abhadhoni” ngu Txihebheru ni ku i “Apoliyoni” ngu Txigriki.

Mithumo 13:16

Paulo a to khukha, a txi maha txikombiso ngu diwoko, a txi khene: “Vavamna va ka Israyeli ni nanu mi thavako Txizimu, engisani:

Mithumo 6:1

Ngu ka oneyo masiku, ngako mtengo wa vagondiswa wu nga txi anda, vamwani ka vona, ava va nga txi womba-womba lidimi la Txigriki va to khata kungurangura ve sola va, va nga txi womba-womba lidimi la Txihebheru, va txi kha vona tinoni ta ka kwawe ta divalwa kuphamelwani ka sakudya sa ditshiku ni ditshiku.

Johani 19:20

Vajudha vavangi va gondile m'bhalo wuwa, nguko i ti hafuhi ni dhoropani wukhalo wu Jesu a nga ti bethetwe kona, ni ku ku nga ti bhatwe ngu Txihebheru, Txigriki ni Txilatina.

Johani 19:17

Se vona va to teka Jesu a di pakatile txihambano txakwe, a to huma e tsula ka wukhalo wu wu nga dhanwa ku i Txikwakwa, ngu Txihebheru va txi i “Golgota,”

Johani 19:13

Pilato, a di engisile mapswi awa, a to humisa Jesu hahanze, se e khalahatsha ha txikhaloni ka kuthethisela kona, ahawa va nga ti kudhana ku Marigwini, se ngu Txihebheru va txi i Gabbatha.

Luka 23:38

Se ngu txitimwi kwakwe, ku ti bhatwe ti taku: “AWUWA, MKOMA WA VAJUDHA.”

2 Vafumeli 9:13

Sekoko va to kuluveta m'thu ni m'thu a to teka txyambalo txakwe, e ateta hahatshi ka txikando txo guleka ngutu, va to veta mpundu va txi kha vona: Jehu wa fuma!

Mithumo 1:19

Mhakeyo yi zivilwe ngu votshe va va nga aka Jerusalema, ahawa koza ve ninga thembwe yileya ditina daku i Hakeldhama, atiya, ngu lidimi lawe, ti wombako ku ‘Thembwe ya Mnoha’).