Mithumo 21:34 - Bhiblia Yo Sawuleka

³⁴ Kambe hagari ka dibutho m'thu ni m'thu a ti womba takwe. Mthangeli wa yimbi, ngako a txi tandeka kumana ditshuri hagari ka diguwa di di nga ti ho, yi to rumela ku Paulo a na heleketwe khokholani.

Mithumo 21:34 Referans Kwoze

Mithumo 23:10

Ngako dizunga di nga ti engeteleka, nduna yi to thava ku va nga nda phatulela Paulo, se yi rumela ku masotxhwa ma na kwitime mata mu honyola manzani kwawe, me mu tshumetela khokholani.

Mithumo 19:32

Mmwani ni mmwani a txi kwangula, nguko dibutho di ti hagari ka vhilinganya se wungi wawe va si ti zivi ti to va tshanganela txani.

Mithumo 23:16

Kambe mwanana wa ndiya ya Paulo, a to ma engisa malengo awa, se e tsula khokholani eya zivisa Paulo.

Mithumo 22:24

nduna yi to rumela ti to ene Paulo e betwa khokholani, a txi thethiswa ngu kukwapelwa ngu timhika, kasi kuziva ti to i mhaka muni va mu mahelako diguwa ngu yona.

Mithumo 21:37

Ngako va di mu betile khokholani, Paulo a to gela mthangeli wa yimbi, a txi khene: “Ni nga sikota ku kugela dipswi dimwedo kani?” Mthangeli a to mu wotisa, a txi khene: “Wa txi ziva Txigriki kani?

Mithumo 22:30

Mangwanani ka kona, ngu kulava kuziva ta tinene mhaka yi Vajudha va nga ti mu mangalela ngu yona, a to mu thukunyula e ramba vaphaxeli va hombe ni dotshe dibanza; se a to neha Paulo, e mu emisa masoni kwawe.

Mithumo 25:26

Ngako ni nga mbi mana mhaka yo tsana ya kubhalela mfumeli, ani ni mu veka masoni kwanu, ngutu-ngutu kwako, mfumeli Agripa, kasiku, msana ka kuva yi di wotisisilwe mhaka yakwe, ni sikota kuziva ati ni no bhala txona ngu ngene.

Mithumo 23:32

Mangwanani ka kona, masotxhwa ma to siya Paulo ni vagadhi va mahantxhi, kasiku ve tsula nayo; se ona me tshumelela khokholani.