Mithumo 21:31 - Bhiblia Yo Sawuleka

³¹ Va di ngadi va txi lava ku m'daya, mhaka yiya yi to engiswa ngu mthangeli wa yimbi, va txi kha vona: “Ku vhilukile dizunga kotshe didhoropani ka Jerusalema.”

Mithumo 21:31 Referans Kwoze

Mithumo 17:5

Aniko Vajudha va to tala ngu wukwele, ve kujetela vavamna vokari va migewu, ava va nga ramba dibutho ve wusa dizunga didhoropani; se ve randela nyumba ya Jasoni, va txi lava Paulo ni Silasi kasi ku va yisa masoni ka vathu.

Mithumo 25:23

Ngu mangwanani ka kona, Agripa ni Bhernike va to ta va di ambate sa wukoma wawe, ve tsula ha banza va di ni vathangeli va hombe va yimbi, ni madhota a hombe a didhoropa. Se Paulo e nehwa ngu kuruma ka Festo.

Mithumo 24:22

Sekoko Felikisi, ngako a di yi mani kha kwati mhaka ya Nzila yileya, a to vhala dibanza, a txi khene: “Ngako mthangeli wa hombe Lisiya a di relete a txi ta kheno, ngu kona ni nota wila mhaka yanu.”

Mithumo 24:6

Kambe a duketile kunyenyezisa Dithepele, aniko hi mu ñote, se hi ti dhunda ku mu lamula ngu mlayo wathu.

Mithumo 23:17

Paulo a to dhana mmweyo wa vathangeli va dizana, a txi mu gela ku khene: Heleketa mfana wuwa ka mthangeli wa hombe, nguko ana ni mhaka a lavako ku yi womba kwakwe.

Mithumo 22:22

Vona va to ya masoni ngu ku mu engisa kala ka mapswi awa, aniko ngu msana va to gula dipswi, va txi kha vona: “A na fuviswe ha mafuni mamoyo! Kha nga ni fanelo ya kuhanya!”

Mithumo 21:38

Ina hi nga awe Muegipta wu kunukunuko a nga wusa dizunga e yisa txiwulani 4.000 wa sigevenga kani?”

Mithumo 19:40

Nguko hi nga maneka i di athu hi ku ni mnandu wa kuwusa dizunga ngu mhaka ya msengeletano wu wa nyamsi; kunene kha ku nga ni txigelo tximwani txi fanelako ku hi emela ngu mhaka ya msengeletano wuwa.”

Mithumo 10:1

A ti ti ho didhoropani ka Khezareya m'thu wu a nga ti dhanwa ku i Korneliyo, awu i nga ti mthangeli wa dizana, ka txikwata txi txi dhanwako ku i “Italiya.”

Johani 18:12

Sekoko mtxawa wa masotxhwa ni nduna ya ona ni maphoyisa a Vajudha, va to ñola Jesu, ve mu sunga,

Johani 16:2

Va na mi tovela masinagogani. Kambe ya ta mbimo yi, awu a no mi daya, a no pimisa ti to a thumela Txizimu.

Marku 14:2

Aniko va txi womba tiya: “Kha kulaveki ku ti maha hagari ka msaho, vathu va nga wusa dizunga.”

Matewu 26:5

Aniko va ti ti kha vona: “Ti nga mahwe tiya ha m'busoni, ku nga wuka mazunga hagari ka vathu.”

1 Vafumeli 1:41

Se a to tipfa Adhoniya, ni votshe varambiwa va va nga ti kumweko nayo, va nga ti gwitile kudya; hambi Jowabhi a di pfite diguwa da mipundu, a nje khene: Diguwa do nga eto dizinginisa didhoropa ngu kutxani kani?

Matewu 27:27

Konaho masotxhwa a mfumeli ma to teka Jesu me mu yisa dibanzani veya tshanganisa dotshe dibutho masoni kwakwe;

Mithumo 26:21

Ngu toneto, Vajudha va nga ni ñola ngu tona Dithepeleni, ve zama ku ni daya.

Mithumo 24:7

Kambe Lisiya, mthangeli wa hombe, a humelete e hi honyola manzani kwathu ngu nyala ya hombe,