Mithumo 21:24 - Bhiblia Yo Sawuleka

²⁴ Tsula navo, ti basise kumweko navo, u txi va hakelela asi si lavekako, kasiku ve yolwa misisi. Ngu toneto, votshe va na tiziva ti to mahungu awa va ma wombako ngu ngawe nga makuhu, ni ti to awe nawe kasi u mxayisi wa Mlayo.”

Mithumo 21:24 Referans Kwoze

Mithumo 21:26

Sekoko ti di mahile eto, na di ti txite, Paulo a to teka vavamna vale e tsula navo, se msana ka kuva a di ti basisile navo, a to wulela Dithepeleni, aha a nga ya zivisa mbimo yi mmweyo ni mmweyo wawe a no ningela mhamba yakwe ngu yona, msana ka masiku a kubasiswa.

Mithumo 24:18

Ngu yoneyo mbimo va nga ta ni mana Dithepeleni na ni di ti basisile: Ku ti si nga ni dibutho hambi diguwa.

Mithumo 18:18

Paulo a zumbile Korinto masiku amangi. Msana keto, a to siya vanawe e tsula Siriya ngu txitimela, a di ni Prisila ni Akila. Madingano ni txixambanyo txi a nga txi maha, a to kuyulwa misisi a di Kenkreya.

1 Vakorinto 9:20

Ni ti mahile Mujudha kumweko ni Vajudha, kufela ku ni va mana. Ni hanyisa ku nga vale va hanyako hahatshi ka mlayo, nga no fumwa ngu wona, kufela ku ni va mana ni vona.

Eksodha 19:14

Sekoko Mosi a to txhika ngu mmangoni, a txi ya sawulekisa vathu; ene a va basisile, kambe va kuwute syambalo sawe.

Vagalatiya 2:12

Nguko mbimo yi va nga ti sinzi kubwaka ava va kuta ngu ka Jakobe, ene a ti ti dya kumweko ni va vo mbi ya wukwerani. Kambe mbimo yi vona va nga bwaka, a ti ti leka kudya navo, ngu kuthava va va wukwera.

Johani 11:55

Pasika ya Vajudha yi ti hafuhi, se vathu votala va to kwela veya Jerusalema, kuya ti basisa, na Pasika yi sanzi kuhoka.

Johani 3:25

Se ku to humelela kukanetisana ngu mhaka ya ku ti basisa hagari ka vagondiswa va Johani ni ujudha wokari.

Jobe 41:25

Yi txi khukha, hambi tindena ta dhudhumela; ngu mhaka ya kubhonga ka yona ta tsivala.

Jobe 1:5

Ku ti ti maheka ti to, ma di pindile masiku ale a mibuso yawe, Jobe a ti ko rumisa ti to, ve sawulekiswa, se e wuka ngu mabimbi-kutxa, e ningela miphaxo, madingano ni mtengo wawe votshe; nguko Jobe a ti ti khene: Va nga nda dhuka va di onhile vanana vangu se ve ruketela Txizimu timbiluni kwawe. Jobe a ti ti mahisa toneto yotshe mbimo.

Valamuli 13:5

Nguko u na mana txirumbu u txi veleka mwanana wa mfana, eyo ha msungo kwakwe ku nga thuke ku txi pinda limo, nguko mfaneyo a na va i di munazira wa Txizimu, kukhukhela mndani ka mame wakwe, se ene a na khata kutxhatxhisa va ka Israyeli, manzani ka Vafilista.

Mitengo 6:18

Ngu msana Mnazira a na kuyula misisi yakwe, ayi yi ku ni txixambanyo txa wunazira ha txikeni ka ditenda da msengeletano, kambe a na teka misisi ya msungo wakwe ya txixambanyo, e yi veka ha mndiloni, ka mphaxo wa kuthutha.

Mitengo 6:13

Awuwa mlayo mbwa wunazira wakwe; a na tiswa ha txikeni ka ditenda da msengeletano;

Mitengo 6:9

Se ku nga ti m'thu wokari a txifa hafuhi kwakwe ngu txidhukisa, ku txi bihiswa misisi yakwe yo sawuleka, se ngu ka ditshiku da kubasiswa kwakwe, a na yolwa msisi ka ditshiku da wutxhanu ni mambidi a na yolwa msungo.

Mitengo 6:5

Ka yotshe mbimo ya wunazira kha kulaveki kuyolwa msungo, kala ku txi tatiseka mbimo yi a nga xambaya ngu yona, e thumela Mkoma; se a na leka misisi yi kula.

Eksodha 19:10

Mkoma a to khene kambe ka Mosi: “Tsula u txi ya sawulekisa vathu nyamsi ni mangwana, va txi kuwula syambalo sawe,