Mithumo 21:20 - Bhiblia Yo Sawuleka

²⁰ Vona va ti dhumisa Txizimu ngu tile va nga ti tiengisa. Va txi gela Paulo, va txi kha vona: “Wa ti wona, mwanathu, ti to magumi a mazana a Vajudha va amukete likholo, hambiko votshe i ku vakhutaleli va Mlayo;

Mithumo 21:20 Referans Kwoze

Varoma 10:2

Nguko nava fakazela ka ti to va na ni kukhutala ka Txizimu, kambe kukhutala kwawe hi nga ka wuzivi.

Vagalatiya 1:14

Amu ka txijudha ni ti va pala vavangi va tanga yangu, ni va lihunzu la ka kwathu, ditikoni kwathu, ngu kukhutalela ngutu milayo ya txikale ya vatate vathu.

Mithumo 22:3

“Ani ni Mujudha. Ni velekelwa Tarso ka Kilikiya. Aniko ni kulete ka dona didhoropa diya, ni txi gondiswa ngu Gamaliyeli kuveketa ta tinene Mlayo wa vatate vathu, ni ti ni kukhutala ka hombe ngu timhaka ta Txizimu, nga tiya na nanu motshe mi mahako nyamsi.

Mithumo 15:1

Sekoko vamwanyani va kuta ngu Judheya va ti ti gondisa vanawe, va txi kha vona: “Ngako mi si tumeli wukwera, kota kuruma ka Mlayo wa Mosi, kha mi na mbi sikota kuhanyiswa.”

Mithumo 11:18

Ngako va di pfite timhaketo, va to malala ve dhumisa Txizimu, va txi kha vona: “Kunene, ni vona vamatiko Txizimu txi va ningile kuhunduluka ku ku yisako wutomini.”

Mithumo 15:5

Aniko vamwani va mtxawa wa Vafarisi, ava va nga amukela likholo, va to khukha va txi kha vona: “Ta laveka ku vamatiko ve yiswa wukwerani ni ku leletwa ti to ve veketa Mlayo wa Mosi.”

2 Vatesalonika 1:10

mbimo yi a nota ka edo ditshiku, kasi ku ta dhumiswa hagari ka vasawuleki vakwe, ni ku ta xamalwa hagari ka vale va nga kholwa kwakwe, kufana ni nanu mi nga amukela wufakazi wathu.

Mithumo 15:24

Ngako hi di engisile to vamwanyani vokari, va ka kwathu, va tile kwanu, na va sa rumelwa ngu ngathu, va ta mi dhukisela, va txi mi thela kukanakana timbiluni kwanu ngu mapswi awe,

Mithumo 6:7

Ti di ngeto, Dipswi da Txizimu di to khata kuanda, se mtengo wa vagondiswa wu to engeteleka ngu kutsakisa ditikoni ka Jerusalema; se dibutho do tala da vaphaxeli ve kholwa.

Mithumo 4:21

Se va to va thusa, msana ka kuva dhukisa da wumbidi, ve pwata nzila ya ku va peka ngu yona, ngu kuthava vathu, nguko votshe va ti dhumisa Txizimu ngu mhaka ya ti ti nga mahwa.

Mithumo 4:4

Hambi keto, vathu votala va nga engisa dipswi, va to kholwa. Mtengo wa vavamna wu ti lava kuva wa 5.000.

Mithumo 2:41

Se avale va nga amukela mapswi akwe, va to bhabhatiswa ka dona ditshiku dile, ve amukelwa ngu vagondiswa mndani ka Dibanza, 3.000 wa vathu.

Johani 12:24

Ngu ditshuri, ngu ditshuri, na mi gela: Ngako nyengi ya fulaho, yi yi wako mafuni, yi si fi, yi na zumba yokha. Aniko, ngako yi txi fa, yi ninga mihando yayingi.

Luka 15:32

Ti ni fanelo kubusa, hi txi tsaka nguko mnanda wu wako a ti fite, e tshumela a txi hanya; a ti mwalate, e tshumela a txi manwa!’ ”

Luka 12:1

Ka yoneyo mbimo, vathu va ti sengeletanile kwakwe ngu magumi a mazana, ahawa koza ve kandetelana. Se Jesu a to khata kugela vagondiswa vakwe a txi khene: “Ti woneleni ka mtshumbelo wa Vafarisi, i ku wuxengeteli.

Masalmo 22:27

Vathu va yotshe mifumo va na alakanya Mkoma; ngu ka otshe madhawa a ditiko va na wuya kwakwe. Totshe tihunzu ti na mkhozela.

Masalmo 22:23

“Anu mi thavako Mkoma, m'dhumiseni! Li na m'dhumise lotshe liveleko la Jakobe! Li na mxoniphe lotshe liveleko la Israyeli!

Vagalatiya 1:24

Se vona va ti dhumisa Txizimu ngu kota yangu.

Matewu 9:8

Mabutho a vathu, ngako ma txi wona tiya ma to telwa ngu kuthava, me dhumisa Txizimu atxiya txi nga ninga vathu mtamo wo maha eto.