Mithumo 21:14 - Bhiblia Yo Sawuleka

¹⁴ Ngako yi nga ti pwateka nzila ya ku mu thindekisa, hi to leka ku mkhongotela, hi txi khathu: “Ku na mahwe kuranda ka Mkoma.”

Mithumo 21:14 Referans Kwoze

Luka 22:42

“Tata, u txi ti lava, hambukisa digombe diya da sixaniso di txi ya kule ni nani. Aniko, ku nga mahwe kuranda kwangu, ku na mahwe kuranda kwako.”

Matewu 26:42

Ti di mahile eto, a to tsula ka wumbidi, eya khongela kambe, a txi khene: “Tata wangu, ngako ti si koteki ti to digombe diya di pinda ni sa di sela, ku na maheke kuranda kwako.”

Matewu 26:39

Se a di tshuketile kule nyana, a to ti wisa hahatshi, ngu mbanza, na a txi khongela, a txi khene: “Tata wangu, ngako ti txi koteka, digombe diya di na pinde kule ni nani; aniko, ti nga maheke nga kuranda kwangu, ti na maheke nga ti Awe u ti lavisako tona.”

Matewu 6:10

wu nate kwathu Mfumo wako, ku na mahwe kuranda kwako, amuwa mafuni nga nzumani.

2 Vafumeli 20:19

Sekoko Ezekhiya a to khene ka Isaya: Ndinene dipswido da Mkoma u nga ni gela. A to womba kambe ku khene: Ina ku na pwateka kuthutha ni ditshuri ka masiku a kufuma kwangu kani?

Luka 11:2

Jesu a to va xamula a txi khene: “Mbimo yi mi khongelako, indani khanu: ‘Tata, ditina dako di na sawulwe, wu nate kwathu mfumo wako,

1 Samuwele 3:18

Sekoko Samuwele a to m'gela totshe timhaka tile, asi msiseli txilo. Se Eli a to khene: I Mkoma; a na mahe ti i ku ta tinene masoni kwakwe!

Genesisi 43:14

Se Txizimu txa Mtamo-wotshe, txi na mi katekise masoni ka ene mamoyo, kasiku e mi leka mi wuya ni mmwani mnanda wanu, kumweko ni Bhenjamini. I di ani, ngako ti txi laveka ti to ni mwalalelwa ngu vanana, ni na mwalalelwe ngu vona!”

Rute 1:18

Mbimo yile koko Nowemi a nga wona tito, Rute a tsanisile ku mlondeta, a to malala.