13 Konaho ene a to angula, a txi khene: “Mi dilela txani, mi ni tholako mbilu, kani? Ni ti emisete, i si nga kuya sungwa dwe, aniko hambi kuya fa Jerusalema ngu mhaka ya ditina da Mkoma Jesu.”
Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”
Se ani na tsaka, ni tsakela sixaniso si ni si amukelako ngu mhaka yanu, ni txi eneta nyamani kwangu ati ti nga ti sate kuxanisekani ka Kristu, ni mahela Mmidi wakwe, i ku Dibanza.
Ngako u nga xayisa dipswi dangu da kutimisela, nanani ni na kuxayisa ka txikhati txa kudukwa ku ku nota ka dotshe ditiko, kasi ku ta duka votshe va va nga aka ha mafuni.
Se mthangeli wa txitimela a to tshuketela kwakwe a txi m'gela tiya: Wo va ni txani u otelako kani? Wuka, khukha u dhana Txizimu txako; kutilava ngu kumaha keto, Txizimu txi nga hi alakanya, kasiku hi si lovi.
Njitxani mi ku natxo anu, anu mi wombako txidinganiso madingano ni ditiko da ka Israyeli, mi txi khanu: Vatate va dyite mauvha amambisu, se makwasa a vanana ma pfite wutsila kani?
Sekoko mwamna wa kona Elikana a to khene ka Ana: U dilela txani kani? Niku u lambela txani kudya kani? Yi karatekela txani mbilu yako kani? Ina ani kha ni pindi digumi da vanana va majaha kwako kani?
Dipswi di di nga ta ka Jeremiya ngu ka Mkoma msana ka kuva Nabhuzaradhani, mthangeli wa vawoneleli, a ti mu txhatxhisile Rama, eho a nga mmana kona a ti sungilwe ngu titxhini, na a ti hagari ka va va nga ñolwa votshe va niya Jerusalema ni Judha, ava va nga yiswa wukhumbini ka Bhabhilona.
Sekoko vale va vararu, va to dhawula ngu hagari ka wugovelo wa Vafilista, veya reka mati a txisima txa Bhetlehema, txile txi nga ti hafuhi ni txike; ve ta ninga Dhavhidha, aniko Dhavhidha kha ma lava kusela, kambe a to ma theketa masoni ka Mkoma.