Mithumo 20:9 - Bhiblia Yo Sawuleka

⁹ Dijaha dokari, adi di nga ti dhanwa ku i Eutiko, di ti khalahatshile ha mtshunzutini ka difasitela, di txi khata kukhudhahela ngutu, na Paulo a txi ya masoni ngu kuwombawomba kwakwe. Ngu kota ya kona kukhudhahela, a to podika a txi wa hahatshi, kukhukhela ka txitezi txa wuraru. Va ti ya mu gula, na a di fite.

Mithumo 20:9 Referans Kwoze

Marku 13:36

Kasiku, ngako a txi wuya a sa zivisa, asi ta mi mana mi di otete.

Mithumo 14:19

Ti di mahile eto, ku to bwaka Vajudha va kuta ngu Antiyokiya ni Ikoniyo ve ta kujetela mabutho a vathu ti to ve balisela Paulo ngu marigwi, se ve mu ruruvisa ve mu yisa hahanze ka didhoropa, na va txi alakanya ti to a fite. Kambe ngako vagondiswa va di mu ranganyetile, a to wuka e wulela didhoropani.

Marku 9:26

Wona wu to peka huwa, wu txi mu zuza-zuza ngutu, wu txi huma; se mfana a to tsivala, se vavangi ve pimisa ti to a fite.

1 Vafumeli 17:19

Se ene a to khene: Ni ningete mwanana wako. Se a to mteka ngu hamidi kwakwe e tsula nayo txitimwi, ka wukhalo wu a nga ti zumba ka wona, se a to mu otelisa ha m'bhedhuni kwakwe.

Mithumo 20:7

Ka ditshiku do khata ka divhiki, hi ti tshanganile kasiku hi bhandelana dipawu. Paulo, awu a nga ti fanela kukhukha e tsula mangwanani ka kona, ene a ti ti bhula navo va Trowasi. A to laphisa kuwombawomba kwakwe navo, kuza kuya hoka dhina ya wusiku.

Mithumo 20:8

Ku ti ni magezi o tala ka nyumba ya txitimwi, amuwa hi nga ti tshanganete kona.

Mithumo 20:10

Paulo a to txhika a txi nama txitimwi kwakwe, a txi mu singarela, a txi khene: “Mi nga karatekeni, nguko a ngadi a txi hanya.”