Mithumo 20:32 - Bhiblia Yo Sawuleka

³² “Se konkuwa na mi ningela manzani ka Txizimu ni ka dipswi da kateko ya txona, txi ku ni mtamo wa kuaka ni wa ku mi ninga thomba hagari ka votshe va va nga sawulekiswa.

Mithumo 20:32 Referans Kwoze

Vakolosa 1:12

bongani ka Tate, a nga mi ninga mathomo a kumana txyavelo kumweko ni vasawuleki liwoningoni.

Vakolosa 3:24

Na mi txi tiziva kambe ti to Mkoma a na mi hakela ngu ku mi maha vadyi va thomba yakwe. Mkoma ngu Kristu, anu mi sithumi sakwe.

Vaefesu 1:14

awu i ku txitsaniso txa thomba yathu, ayi hi no yi mana, ditshiku di Txizimu txi ningako kukhululeka ko gwitisa ka vava i ku va txona, ku mahela ti to ve pfalisa wudhumo wa txona.

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Vahebheru 9:15

Ngu toneto, Ene i muemeli wa txitumelelano txa txiphya. Kufa kwakwe ku mahekile, kasi ku sionho si txi basiswa si si nga nga mahwa ka mbimo ya txitumelelano txo khata; se avale va nga dhanwa, va amukela thomba yo mbi guma, ayi va nga thembiswa.

Vaefesu 1:18

txi woninga timbilu tanu, kasiku mi ziva ti to njithembiso muni atxiya mi dhanelwako txona ngu Txizimu, ni ti to wu talisite kutxani wudhumo wa thomba ya Txizimu, ayi txi nga mi vekela kumweko ni vasawuleki;

Vakolosa 2:7

zimani mikoloti kwakwe, mi txi akwa txitimwi kwakwe, mi txi tsaniswa amu ka likholo, nga ti mi nga gondisiswa tona, mi txi tala ngu kubonga.

Jeremiya 3:19

Se ani ni txi khani: Ni na kuvekisa kutxani hagari ka vanana, ni na kuninga ditiko da kunaveleka, i kuthomba ya mabutho a matiko kani? Ni txi khani: Mi na ni dhana mi txi khanu: Tata. Kha mi na mbiswa mi phawuka mi txi ni siya.

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.

Vaefesu 5:5

Zivani ti to awalo m'thu wu a no mana thomba ya mfumo wa Kristu ni wa Txizimu, ngako i di m'gelezi mwendo wu a mahako mithumo ya nzambwa, mwendo mnaveli wa tithomba, awu i ku mkhozeli wa sa walo.

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

Judha 1:20

Aniko anu, vorandeka, kulani amu ka likholo lanu lo sawuleka ngutu, khongelani mi di ti tshanganisile ni Moya wo Sawuleka,

1 Vakorinto 6:11

Vamwani kwanu i ti vo nga toneto, aniko se mi kuwutwe, mi sawulekisilwe, mi mahilwe valulami ngu ditina da Mkoma wathu Jesu Kristu ni Moya wa Txizimu txathu.

Mithumo 14:23

Msana ka kuva va di vekile madhota masoni ka otshe mabanza, ngu ku va sanzeka manza ni ku va khongelela ni kutitona sakudya, va to va veka manzani ka Mkoma, awu va nga kholwa kwakwe.

Vahebheru 10:14

Kha ditshuri, ngu mhamba yimweyo dwe, ene a va ningile kusawuleka ko hetiseka, vona vathu vava a va sawulekisako.

Vahebheru 2:11

Nguko, hambi M'basisi, hambi va va basiswako, va huma ka Tate mmweyo. Ngu mhaka yeto Jesu, kha kanakani ku va dhana ti to i vanawe, nga mapswi awa,

Mithumo 14:26

Va txi khukhela koneyo, va to tsula ngu txitimela va txi ya Antiyokiya, ahawa va nga khatela kona, na va txi themba kateko ya Txizimu, ka mthumo wule va nga gwita ku wu maha.

Johani 17:17

Va sawulekise ngu ditshuri. Dipswi dako ngu dona ditshuri.

Vaefesu 4:16

Ngu mtamo wakwe, sotshe sihango sa mmidi si ñolani ni kutsaniswa ta tinene ngu misiha yi yi nga vekwa ka sona. Ngu konaho, ngako txihango txihi ni txihi txi txi maha mthumo wa txona ngu fanelo, mmidi wotshe wa kula, wu txi ti aka ngu lirando.

Vaefesu 4:12

kasi kuvhuna vasawuleki, ti to ve sikota kuthumela vamwani, ve aka mmidi wa Kristu,

Mithumo 14:3

Hambi keto, Paulo ni Bharnabhasi va zumbile masiku o tala, ve womba-womba va si thavi txilo ngu kuthemba Mkoma, a nga ti tsanisa dipswi da kateko yakwe ngu kumaha sikombiso ni sidiwukiso ngu manza awe.

Johani 15:3

Anu mi basisilwe ngu dipswi di ni nga mi gela.

Judha 1:1

Judha, txithumi txa Jesu Kristu, mwanawe Jakobe, ka vale va nga dhanwa, va randekako ka Txizimu Tate, ni kuveketwa ngu Jesu Kristu:

1 Vakorinto 1:2

ka Dibanza da Txizimu, adi di ku Korinto, ka va va nga sawulekiswa ngu Kristu Jesu, ava va nga dhanelwa ku ta maha vasawuleki kumweko ni votshe va va khongelako, hani ni hani, ngu ditina da Mkoma Jesu Kristu, i ku Mkoma wawe ni wathu.

Mithumo 15:40

Paulo nene a to sawula Silasi e khukha, na vanawe va di mu navelete makatekwa a Mkoma.

Mithumo 9:31

Hambi keto, Dibanza di ti ni kuthutha ka dotshe ditiko da Judheya ni da Galileya ni da Samariya, di txi kula, di txi hanya ngu kuxonipha Mkoma, di txi anda ngu kuvhunetelwa ngu Moya wo Sawuleka.

Jeremiya 49:11

Leka sikulungu sako, ani ni na si xayisa si txi hanya; ni tinoni tako ti na themba kwangu.

Genesisi 50:24

Ngu kugwita, Josefa a wombile ka vanawe, a txi khene: Ani na fa, aniko Txizimu txi na mi endela txi hulukisa mi khukha ka diya ditiko, txi mi yisa ka ditiko di txona Txizimu txi nga thembisa, ngu txixambanyo ka Abrahamu, ka Isaake ni ka Jakobe.

Marku 10:17

Mbimo yi Jesu a nga huma a txi goxometa nzilani kwakwe, m'thu wokari a to tutuma a ta mu khizamela, a txi mu wotisa a txi khene: “M'gondisi wamnene, nji txani ni fanelako ku txi maha, kasiku ni mana thomba ya wutomi wo mbi guma kani?”

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

Varoma 8:17

Se ngako hi di vanana, ha fanelwa kambe ngu kudya thomba: Hi vadyi va thomba ya Txizimu, hi vadyi va yona kumweko ni Kristu, nguko akuwa hi xanisekako kumweko nayo, tikomba ti to kha ditshuri hi na dhumiswa kumweko nayo kambe.

1 Vakorinto 6:9

Ina kha mi tizivi ti to sidambu kha si na mbi dya thomba ya mfumo wa Txizimu kani? Mi nga ti kanganyiseni. Sindakamilayo, ni vakhozeli va sizimu sa walo, vagelezi,

1 Vakorinto 6:10

ni makhamba, ni vanyatimbiti, ni sidhakwa, ni varuketeli, ni vavamna va va mahako txionho txa tingana ni mwamna kulowe, kuwalo ni wammweyo kwawe a no sikota kudya thomba ya mfumo wa Txizimu.