Mithumo 20:30 - Bhiblia Yo Sawuleka

³⁰ ni ti to hagari kwanu va na humelela vathu, ava va nota bwabwatela to soholoka, kufela kuva txi ti lavela vagondiswa.

Mithumo 20:30 Referans Kwoze

1 Johani 2:19

Vona va humete hagari kwathu, aniko i ti si nga va ka kwathu. Idiku i ti va ka kwathu, nga va di zumbile ni nathu; aniko va humile, kasi ku ti txi woneka ti to hi nga votshe i nga ti va ka kwathu.

Mavingu 23:33

Maso ako ma na wonetela vavasikati vavane, se mbilu yako yi na womba-womba wubihi.

Mithumo 11:26

Ngako a di mu mani, a to mteka e tsula nayo Antiyokiya. Va ti ya zumba koneyo dilembe dotshe, va txi thuma votshe ka dibanza diya, ve gondisa vathu votala ngutu. Ngu kona Antiyokiya vagondiswa va nga khata kudhanwa ngu ditina daku i makristu.

Mavingu 19:1

Txisiwana txi txi tsimbilako ka ditshuri da txona txi txhuko, kupinda txiphukuphuku txa txisofu txo tseketsela.

Mtuletelo 2:6

Aniko, ta tinene ti u ti mahako ngu kunyenya mithumo ya Vanikolahita, ayi nani ni yi nyenyako.

2 Johani 1:7

Nguko va hangalakile ni ditiko vaxengeteli vavangi, ava va si fakaziko ti to Jesu Kristu a tile ngu didhawa da nyama. M'thu wo ngeto, ngene mxengeteli ni mkaneti wa Kristu.

2 Pedro 2:18

Nguko, ngu kuwombawomba mapswi a kutiguleta, ni o mbi nyawula, va riyela ngu minavelo ya mmidi ni kukanganyisa, avale va nga ti ngadi kuhuma ka vale va hanyako kukanganyiswani;

1 Timoti 6:5

kubhongelana ko mbi guma hagari ka vathu va mapimo o hambaneka, ava va ku si nga ni ditshuri, nguko va pimisa ti to wukhongeli njisima txa dibhindu.

1 Timoti 5:13

Hahanze keto, vavasikati va va nga felwa i di ngadi vaphya, ngako va si thumi txilo, va gonda kurenzelekela ni miti, i si nga ngu mhaka ya wukara dwe, aniko kambe va ti ningetela mu ka siwombawomba sa kulenga vamwani, ve ti maha valanduli va timhaka ta wutomi wa vane, ve womba-womba ngu ti ti si faneliko kuwombwa.

Mithumo 21:38

Ina hi nga awe Muegipta wu kunukunuko a nga wusa dizunga e yisa txiwulani 4.000 wa sigevenga kani?”

Matewu 23:15

“Mi na ni dikhombo, anu vabhali ni Vafarisi, vaxengeteli! Mi dhawulako linene mafuni kasi kumana mlondeteli mmweyo; se mbimo yi mi nga mu mana, mi txi mñola ta tinene, mi mu maha wu a ku ni fanelo ya kuyiswa gehena, awu a mi pindako kambidi ngu wubihi.”

Isaya 59:3

Nguko manza anu ma tate ngu mnoha, ni titiho tanu ti tate ngu wubihi; sisofu sanu si womba-womba makuhu, ni tidimi tanu ti womba-womba kubiha.

Dhaniyeli 11:34

Se ngako va txi wa va na mana kuvhunwa ka kudotho, aniko votala va na patana navo ngu wukanganyisi.

2 Vakorinto 11:13

Vathu vo ngeto mbapostoli va makuhu, nzithumi so kanganyisa. Va ambala madhowo o zama ku ti maha vapostoli va Kristu.