Mithumo 20:29 - Bhiblia Yo Sawuleka

²⁹ Na tiziva ti to msana ka kuva ni di khukhile ni tsula, ma na wulela maxolwa a tshofu hagari kwanu, aawa ma no mbi ta divalela mtxhambi,

Mithumo 20:29 Referans Kwoze

Matewu 7:15

“Ti woneleni ka vaprofeti va makuhu, va tako kwanu va di ambate madhowo a tinvuta, kasi timbiluni kwawe maxolwa ma vhandamulako.

2 Pedro 2:1

Kambe va manekile vaprofeti va makuhu hagari ka vathu, nga tona ti va no va va diho vagondisi va makuhu hagari kwanu, ava va no wuyisa tigondo to hambuka, ati ti onhako, ve lamba Mkoma wu a nga va tirula, ve ti wuyisela kulova ka txikuluveta txitimwi kwawe.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Johani 10:12

Mthumeli wa male, awu i ku si nga m'dyisi, awu tinvuta ti si mu lumbiko, ngako a txi wona dixolwa di txi ta, a leka tinvuta, a txi tutuma, se dixolwa di txi honyola tinvuta, di txi ti hangalasa.

Luka 10:3

Tsulani. Na mi ruma nga kule ka sinvutana hagari ka maxolwa.

Matewu 10:16

“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.

Zakariya 11:17

Dikhombo ka m'dyisi wa kwa mbi vhuna txilo, a lekako mtxhambi; ditxhari di na wela txitimwi ka diwoko dakwe, ni txitimwi ka diso dakwe da txinene, diwoko dakwe di na oma dotshe, ni diso dakwe da txinene di na fa.

Jeremiya 23:1

Dikhombo ka vadyisi va va onhako, ni kuhangalasa tinvuta ta wudyiselo wangu, kuwomba Mkoma.

Zefaniya 3:3

Vathangeli va dona ndingonyamo ti bhongako hagari ka dona; valamuli va dona maxolwa a mbimo ya minova, ma si siyiko marambu a kutadya mangwana.

Jeremiya 13:20

Guletani maso anu mi wona vale vatako ngu Wuphemba. Va hani vathu va u nga ti ningilwe vona, vathu vako vo dhundeka kani?

Ezekhiyele 22:27

Vathangeli vawe hagari ka dona, va fana ni maxolwa ale ma ñolako sihari, kasi kutheketa mnoha, va txi khundumusa mihefemulo, va txi felela.

Ezekhiyele 34:8

Na hanya ani, kuwomba Mkoma Txizimu, kuwoneka taku tinvuta tangu ti ningetwe kuñolwani, se ti mahile to dyiwa ngu sotshe sihari sa txitinga, ngu kupwateka ka vadyisi, kambe vadyisi vangu kha va tsimbili ve lava tinvuta tangu, aniko vo ti dyisa vona vapune, kha va dyisi tinvuta tangu,

Dhaniyeli 11:34

Se ngako va txi wa va na mana kuvhunwa ka kudotho, aniko votala va na patana navo ngu wukanganyisi.

Luka 12:32

Mi nga thaveni txilo, anu mi ku mtxhambi wa wudothoanyana, nguko ti tsakisile Tate wanu ku mi ninga Mfumo!”

Johani 21:15

Ngako va di gwitile kudya, Jesu a to wotisa ka Simoni Pedro, a txi khene: “Simoni, mwana Johani, awe wa ni randa kupinda vava kani?” Ene a xamute, a txi khene: “Mkoma, wa tiziva ti to ani na kuranda.” Jesu a to mu gela, a txi khene: “Dyisa tinvuta tangu.”

1 Pedro 5:2

Dyisani mtxhambi wa Txizimu, awu mi nga vekelwa, mi txi wu xayisa, i si nga ngu kukurumetwa, aniko, ti maheni ngu kuranda ka mbilu, i si nga ngu moya wa nzambwa ya kulava dibhindu; ti maheni ngu kutiningetetela ka mbilu;

Judha 1:18

nguko vona va mi gete va txi kha vona: “Ka masiku o gwitisa, va na humelela vatseketseli, ava va no hanya ngu kulondetela minavelo yawe yo biha.”