Mithumo 20:27 - Bhiblia Yo Sawuleka

²⁷ Nguko kha ni zivi kutshumelela msana, yihi ni yihi mbimo ti nga ti laveka kutxhumayela otshe mahungu a Txizimu.

Mithumo 20:27 Referans Kwoze

Mithumo 20:20

Txi walo ni txa tximwetxo ni nga mi sisela ka sile ni nga tiziva ti to sa mi vhuna; aniko ni txhumayete, ni mi gondisile masoni ka vathu ni tinyumbani kwanu;

1 Vatesalonika 2:4

Aniko ngako Txizimu txi nga hi wona hi di ni fanelo ya kuningwa mthumo wa Evhangeli, ngu toneto hi yi txhumayelisako tona. Hi nga to lava kutsakisa vathu, aniko ndo tsakisa Txizimu, atxi txi xolako timbilu tathu.

2 Vakorinto 4:2

Athu hi lekile matsimbilelo o sisala ni a tingana, se kha hi tsimbili ngu marindi, kambe kha hi timeti dipswi da Txizimu; aniko ngu kuhumisa ditshuri ha kubasani, hi txi khutala ngu kuva hi maneka hi di thembekile masoni ka livhalo la votshe vathu ni masoni ka Txizimu.

Vagalatiya 4:16

Se konkuwa ni phindukile ni txi maha mlala kwanu, nguko ni nga mi gela ditshuri kani?

Vaefesu 1:11

Ngu ngene Kristu kambe, Txizimu nathu txi hi mahile vadyi va thomba ya Txona, nga ti txi nga ti wonisa tona txona txi kotako totshe ngu mtamo wa kuranda ka txona,

1 Vakorinto 11:23

Kha ditshuri ni ti amukete ka Mkoma timhaka ti ni nga tshumela ni txi mi ninga nanu, ti taku: Mkoma Jesu, ka wusiku wu a nga ningelwa ngu wona, a tekile dipawu;

Mithumo 20:35

Ngu totshe tinzila, ni mi kombisile tito, ngu kuthumisa tiya, hi fanela kuvhuna ava i ku sisiwana, na hi txi alakanya mapswi a Mkoma Jesu, a nga khene: ‘Kuha i kateko ya hombe ngutu kupinda kuhiwa.’ ”

Mithumo 2:23

Ngene wu a nga ningelwa mtamoni kwanu ngu txikungo txa kutsana ni wuzivi wa Txizimu. Se anu mi mu date ngu ku mu gogotela ha txihambanoni ngu manza a vathu va i ku sindaka-milayo.

Luka 7:30

Kambe Vafarisi ni vagondisi va mlayo va nyenyile makungo awa Txizimu txi nga ti nawo kwawe, nguko va nga lamba kubhabhatiswa ngu ngene.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Masalmo 32:11

Tsakani, kambe giyani ngu kualakanya Mkoma, vathu vavanene vo dhundeka; embelelani ngu kutsaka, anu motshenu mi ku vo lulama ni kuthembeka!

Johani 15:15

Kha ni swi ni txi mi dhana ngu ditina daku mi sithumi, nguko txithumi kha txi ti zivi ati ti mahwako ngu mfumeli wa txona; aniko ni mi dhana ngu ditina daku mi vangana, nguko ni mi tulete totshe ti ni nga tiengisa ka Tate wangu.

Jeremiya 23:22

Aniko, i tiku va ti ti emile banzani kwangu, nga va di zivisile ka vathu vangu timhaka tangu, ve va hundulusa nzilani kwawe ko biha, ni ka simaho sawe so biha.

Mithumo 13:36

“Kasi i di Dhavhidha, ngako a di hetile, ka mbimo ya kuhanya kwakwe, mthumo wu Txizimu, ngu makungo a txona, txi nga ti msikete ona, ene a to otela, se e tshotshwa hafuhi ni vatate vakwe, e sina.

Masalmo 40:10

Kha na sisa mbiluni kwangu sithembiso sako; yotshe mbimo na nuwela kuthembeka kwako ni kuhanyisa kwako. Kha na sisela vathu vako, lirando lako ni kuthembeka kwako!

Jeremiya 26:2

Ema ngu mthandani ka Nyumba ya Mkoma, u txi womba-womba ka vathu va miti ya ka Judha, ava va tako kuta khozela Nyumbani ka Mkoma, ka totshe timhaka ti ni nga kuruma kutxhumayela kwawe, u nga siye ni ya yimweyo.

Jeremiya 42:21

aniko, ngako ni nga mi gela tiya nyamsi, kha ma engisa dipswi da Mkoma, Txizimu txanu, ka ni txihi txilo a nga ni ruma ngu txona kwanu.

Ezekhiyele 40:4

Se wamwamna wule a to khene kwangu: Awe mwanana wa m'thu, wona ngu maso ako, u engisa ngu tinzeve tako, kambe veka mbiluni kwako totshe ti ni no ku wonisa; nguko kasi ku ta kukomba tona, awe u to tiswa hawa; zivisa koko ka nyumba ya ka Israyeli, totshe ti u no ti wona.

Joxuwa 8:35

Kha ka maneka ni dipswi ni da dimwedo, ka totshe tile Mosi a nga ti leletile, di nga mbi gondwa ngu Joxuwa masoni ka wotshe msengeletano wa ka Israyeli, ni ka vavasikati, ni ka vafana, ni ka valuveli vale va nga ti ti hagari kwawe.

Jeremiya 34:6

Se mprofeti Jeremiya a to gela Zedhekiya, mfumeli wa ka Judha, totshe timhaka tiya, va di Jerusalema,