Mithumo 20:25 - Bhiblia Yo Sawuleka

²⁵ “Konkuwa na tiziva ti to kha mi na mbiswa mi txi wona khohe yangu, motshe ni nga zumba hagari kwanu ni txi txhumayela Mfumo wa Txizimu.

Mithumo 20:25 Referans Kwoze

Mithumo 28:31

a txi txhumayela ngu ta Mfumo wa Txizimu ni kugondisa ngu ta Mkoma Jesu, ngu kotshe kutsana, asi tsivelwi ngu txilo.

Mithumo 20:38

Va txi mu pswopswa, na va txi karateka ngutu ngu mapswi awa a nga ma womba; a ku khene kha va na mbiswa ve wona kambe khohe yakwe. Msana keto, va to mu heleketa kala kuhoka txitimelani.

Matewu 4:23

Msana keto, a to khata kutsimbila ka dotshe ditiko da Galileya, a txi gondisa masinagogani, e txhumayela mahungu a maphya a Mfumo, na a txi hanyisa vathu ka otshe malwati ni ka yotshe mipando.

Vakolosa 2:1

Ni dhunda ti to mi txi ziva yimbi yi ya hombe ngutu ni lwako ngu kota yanu ni va niya Laodhikheya ni votshe vava va si ni ziviko ngu khohe,

Vagalatiya 1:22

Mabanza a Kristu ma ku Judheya ma ti sanzi ku ni wona ngu maso.

Varoma 15:23

Kambe konkuwa, kha ni nga ngadi ni mthumo ka matiko awa; se akuwa i ku malembe o tala ni txi navela ku mi endela,

Mithumo 8:12

Kambe, mbimo yi va nga kholwa ka Filipi, awu a nga va gela Evhangeli ya Mfumo wa Txizimu ni ditina da Jesu Kristu, vavamna ni vavasikati va to bhabhatiswa.

Luka 16:16

“Mlayo ni tigondo ta Vaprofeti ngu sona si nga txi thuma kala kuza e hoka Johani Mubhabhatisi; kukhukhela konako, Evhangeli ya Mfumo wa Txizimu ya txhumayelwa, se mmweyo ni mmweyo wa ti karata kufela kuwulela ka wona ngu mtamo.”

Luka 9:60

Jesu a ti khene kwakwe: “Leka vafi va txi kelela vafi vawe. Kambe awe tsula u txi ya zivisa timhaka ta Mfumo wa Txizimu.”

Matewu 13:52

Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”

Matewu 13:19

Ngako m'thu a txi engisa dipswi da Mfumo, asi di engisisi, kuta m'bihi e ta fukula asile si nga ti phayilwe mbiluni kwakwe; awuwa njifananiso txa mbewu ya kuwela ha nzila.

Matewu 10:7

Mi txi tsimbila, nuwelani mi txi khanu: ‘Mfumo wa nzumani wu hafuhi.’

Matewu 4:17

Kukhukhela ka txonetxo txikhati, Jesu a to khata kutxhumayela a txi khene: “Hundulukani, nguko Mfumo wa nzumani wu hokile.”