Mithumo 20:17 - Bhiblia Yo Sawuleka

¹⁷ Paulo, ngako a di Mileto, a to rumela kudhana madhota a dibanza da Efesu.

Mithumo 20:17 Referans Kwoze

Titosi 1:5

Ni ku site kheyo Kreta, kasiku u txi sala u txi lulamisa ti ti fanelako kululamiswa, ni kuveka madhota a vathangeli ka txidhoropana txihi ni txihi, madingano ni ti ni nga kugondisa.

Mithumo 11:30

Kunene, va to mahisa toneto, ve si rumela ka madhota, ngu manza a Bharnabhasi ni Sawule.

1 Timoti 5:17

Madhota awa ma tsimbitisako ta tinene mthumo wa wuthangeli, ma fanetwe ngu kutshungulwa kambidi, ngutu-ngutu aawa ma thumelako kutxhumayela dipswi ni kugondisa;

Jakobe 5:14

Wa ho wa kulwala hagari kwanu, kani? A na dhane madhota a Dibanza, ona ma na mkombelela, ma txi m'tota mafura ngu ditina da Mkoma.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Mithumo 14:23

Msana ka kuva va di vekile madhota masoni ka otshe mabanza, ngu ku va sanzeka manza ni ku va khongelela ni kutitona sakudya, va to va veka manzani ka Mkoma, awu va nga kholwa kwakwe.

3 Johani 1:1

Ani Didhota ni bhalela Gayo wo randeka ngutu, awu ni mrandako ngu ditshuri.

2 Johani 1:1

Ani Didhota ni bhalela khosikazi yo sawulwa ngu Txizimu, ni vanana va yona, ava ni va randako, ngu ditshuri, hi nga ani nokha ni va randako, aniko ni votshe va va zivako ditshuri va va randa,

1 Pedro 5:1

Ka madhota awa ma ku hagari kwanu, na ma kombela ani ni ku didhota kulowe, fakazi ya sixaniso sa Kristu, ni thembako kumana txyavelo txa kupfaliswa ku ku nota humelela, ni khani:

Mithumo 16:4

Ka madhoropa awa va nga ti pinda ngu ka ona, va ti zivisa vanawe milayo yi yi nga vekwa ngu Vapostoli ni madhota a Jerusalema, va txi va laya ti to ve mi veketa.

Mithumo 15:23

Se va to rumela ngu vona dipasi di va nga bhala ta ku kha vona: “Vapostoli ni madhota, i ku vananu, kwanu vanathu mi ku va lihunzu la vamatiko va va ku Antiyokiya, ni Siriya ni Kilikiya, ha mi losa!

Mithumo 15:6

Se vapostoli ni madhota va to sengeletana kasiku ve yi wonisisa kha kwati mhaka yiya.

Mithumo 15:4

Se ngako va di hokile Jerusalema va to amukelwa ngu Dibanza ni Vapostoli ni madhota, se ve va gela totshe ti Txizimu txi nga ti maha ngu vona.

Mithumo 18:19

Ku ti ngako va di hokile Efesu, Paulo a to ya va siya kona, se e wulela disinagogani eya kanetisana ni Vajudha.

Mithumo 20:15

Mangwanani ka kona, hi ti ya khukha eyo kambe, hi txi ya hoka ahawa ku dingetanako ni Kiyo, ka ditshiku di di londetako hi hokile Samosi; se msana ka kuva hi di emile Trogiliyo, hi hokile Mileto ka ditshiku do gameta.