Mithumo 2:9 - Bhiblia Yo Sawuleka

⁹ Vaparta, Vamedhi, Vaelamita, vaaki va Mesopotamiya va kuhuma Judheya ni Kapadhokiya, va Ponto ni Aziya,

Mithumo 2:9 Referans Kwoze

1 Pedro 1:1

Ani Pedro, mpostoli wa Jesu Kristu, ka valuveli va va nga hangalaka matikoni ka Ponto, ni Galatiya, ni Kapadhokiya, ni Aziya ni Bhitiniya;

Mtuletelo 1:4

Ani Johani ni bhalela mabanza a mtxhanu ni mambidi ma ku Asiya: Kwanu na mi navelela makatekwa ni kudikha, si txi huma ngu ka wule a kuho, awule a nga ti ho, awule a tako, si txi huma ngu ka mtxhanu wa mimoya ni yimbidi yi ku masoni ka txikhalo txakwe txa wukoma,

2 Timoti 1:15

Wa tiziva ti to votshe va ku Aziya va ni lekile, hagari kwawe kumaneka Figelusi ni Hermogenesi.

Mithumo 18:2

Koneyo a ti ya mana Mujudha wokari, a nga ti dhanwa ku i Akila wa kuvelekelwa Ponto, na a di ngadi kubwaka ngu Italiya, kumweko ni Prisila, msikati wakwe; nguko Klawudhiyo a ti vekile mthetho wa ku votshe Vajudha va na khukhe Roma. Se Paulo a to ya kwawe.

Mithumo 16:6

Paulo ni Silasi va to pinda ngu Frigiya ni Galatiya, nguko Moya wo Sawuleka wu ti va tsimbile kutxhumayela Dipswi ditikoni ka Asiya.

Mithumo 19:10

Timhaka tiya ti tsimbitisile tonatiya kala kuguma malembe mambidi; ahawa va nga za ve kholwa votshe vathu va Aziya, Vajudha ni Vagriki, ngu kupfa dipswi da Mkoma.

Mithumo 6:9

Kambe vamwani va kuta ngu ka disinagoga di di dhanwako ku nda Vathuseki, ni vamwani va Kirene ni va Alexandriya kumweko ni vamwani va Kilikiya ni va Aziya, va to ema ve kanetisana ni Sitefani.

Dhaniyeli 8:2

Se ni to wona ka txiwoniso, (ni wona ku txi manheka, ti to ani ni ti didhoropani ka Xuxani, ditikoni ka Elame), ni to wona koko ka txiwoniso, ti to ni ti hafuhi ni mnambo wa Ulayi.

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

2 Vafumeli 17:6

Ka dilembe da digumi ni mune, da kufuma ka Hoseya, mfumeli wa Asiriya a to honyola Samariya, se va ka Israyeli a to va tsulisa Asiriya, kota tikhumbi, eya va veka Hala ni Habhori, hafuhi ni mnambo wa Gozani, ni mu ka madhoropa a Vamidhiyani.

Genesisi 24:10

Txithumi txi to teka digumi da makamelu ka mtxhambi wa makamelu a nyamne wa txona, se txi txi teka simaha ka sotshe sa sinene, asi nyamne wakwe a nga ti naso manzani kwakwe; txi tsula naso Mesopotamiya, ka didhoropa da Nahori.

Genesisi 14:1

Ka mbimo ya Amurafeli, mfumeli wa Sinari, ni Ariyoki, mfumeli wa Elasari, ni Kedhorolawomeri, mfumeli wa Elame, ni Tidhali, mfumeli wa Goyimi,

Mtuletelo 1:11

“Ati u ti wonako, ti bhale amu ka dibhuku, u txi ti rumela ka mabanza a mtxhanu ni mambidi: Efesu, Esmirna, Pergamo, Tiyatira, Sardhisi; Filadhelfiya ni Laodhikheya.”

2 Vakorinto 1:8

Vanathu, kha hi ti lavi ku mi sisela kuxaniseka ku ku nga hi mana hi di Asiya. Koneyo, hi xanisilwe, ngu mpimo wa hombe ngutu kupinda mtamo wathu, ahawa hi nga ti si thembi ti to hi nga hanya.

1 Vakorinto 16:19

Ma mi dingula otshe mabanza a Asiya. Akilasi ni Prisila kumweko ni msengeletano wu wu tshanganelako nyumbani kwakwe, va mi dingula ngutu.

Varoma 16:5

Dingulani ni dibanza diya di sengeletanako nyumbani kwakwe. Dingulani txirandwa txangu Epenetusi, awu i ku m'hando wo khata ka Kristu ditikoni ka Asiya.

Mithumo 20:18

Ngako vona va di tshanganile masoni kwakwe, a to va gela ku khene: “Ma tiziva ti ni hanyisako tona ni nanu, kukhukhela ka ditshiku di ni nga bwaka ngu dona Asiya.

Mithumo 20:16

Nguko Paulo a ti pimisile kuvayilela Efesu, kasiku asi ya temeliswa Asiya. A ti ni txikuluveta txa kuya maneka Jerusalema, ngako ti txi koteka, ngu ditshiku da Pentekoste.

Mithumo 19:31

Hambi vamwani hagari ka tinganakana ta ditiko da Aziya, ava i nga ti vangana vakwe Paulo, va rumete dipswi kwakwe, kuya mkhongotela ti to asi ti ningeli apune ngu kutsula ka wukhalo wule wa misakano.

Mithumo 19:27

Sekoko, hi nga wona mthumo wu wathu dwe wu no va ni dikhombo do poyilelwa, aniko hambi dithepele da Artemi, i ku txizimu txa hombe txa wamsikati, ni dona di na poyilelwa: Se wuzimu wa wule a khozelwako ngu dotshe ditiko da Aziya ni otshe mamwani matiko, wu ndi na hinduka wu txi va i si nga wa txilo.”

Mithumo 7:2

Sitefani a to xamula, a txi khene: “Anu vanathu ni nanu vatata, ni engiseni! Txizimu txa wudhumo txi ti kombisile ka tate wathu Abrahamu, na a di ngadi Mesopotamiya, na a sinzi kuaka Harani,

Dhaniyeli 8:20

Hamba yile u nga yi wona ya titxheho timbidi, mbafumeli va Medhiya ni va Persiya;

Isaya 21:2

Ni wonisilwe txiwoniso txo thisa: Mkanganyisi wa kanganyisa, ni mxaseli wa xasela. Kwelela awe Elamu, randela awe Medhi; ni malatile miketo yawe yotshe.

Ezra 6:2

Se kona Akimeta, ka nyumba ya wukoma, yi manekako ka ditiko da Medhiya, ku to manwa dibhuku, ku nga ti bhatwe txileleto ka dona, txo womba tiya:

1 Makronika 19:6

Mbimo yile koko, vanana va ka Amoni va nga wona taku va phayile livengo ka Dhavhidha, Hanumi ni vanana va ka Amoni, va to rumela 1.000 wa titalenta ta nzalama, kasi kuya lomba ngu yona sikotxikani ni vagadhi va mahantxhi va Mesopotamiya, ni va Siriya ni Mahaka, ni va Zobha.

Valamuli 3:8

Sekoko kuhenya ka Mkoma ku to wukela Israyeli, aniko ene a to va xavisa ngu dianza da Kuzani-Rezatayimi, mfumeli wa Mesopotamiya; se vanana va ka Israyeli va to thumela Kuzani-Rezatayimi, mndani ka mtxhanu wa malembe ni mararu.

Dhewuteronome 23:4

Nguko kha va mi hingeta hanzila ni sakudya ni mati, kuhumani kwanu ngu Egipta; kambe va xavile Bhalahamu, mwana Bheyori, wa kuta ngu Petori, ka Mesopotamiya, kasi ku e mi ruketela.

Genesisi 10:22

Vanana va Semi ngu vava: Elame, Asuri, Arifaxadhe, Ludhe ni Aramu.

Dhaniyeli 5:28

Parisini: Mfumo wako wu abanisilwe, wu ningelwa ka Vamedhi ni Vapersiya.

Mithumo 2:8

Se ti mahisa kutxani ti to mmwani ni mmwani wa ka kwathu e va engisa va txi womba-womba ngu lidimi li hi nga velekwa ka lona kani?

Mithumo 20:4

Ava va nga ti kumweko nayo Paulo i ti Sopatrosi, mwana Pirusi, wa Bhereya; Aristarkusi ni Sekundo, va Tesalonika; Gayo wa Dherbhe, ni Timoti ni Tikiko ni Trofimo, va kuta ngu ditiko da Asiya.

Mithumo 21:27

Ngako ma di hafuhi ni kuguma masiku ale a mtxhanu ni mambidi, Vajudha va Aziya, ngako va di mu engisile Dithepeleni, va to kujetela dibutho, va txi mñola,

Mithumo 24:18

Ngu yoneyo mbimo va nga ta ni mana Dithepeleni na ni di ti basisile: Ku ti si nga ni dibutho hambi diguwa.

Mithumo 27:2

Ku ti ngako hi di wulete ka txitimela txa kuta ngu Adramita, ayi yi nga ti txhatukela kuya phuho ya Aziya, hi to ñola nzila hi tsula. Hi ti ni Aristarkusi wa Tesalonika, didhoropa da Makedhoniya.